Myriam Ben
Si Myriam Ben (1928–2001) sarong aktibistang Algerian, militante, nobelista, parasurat tula, asin pintor. Pinangaki sya bilang Marylise Ben Haïm sa Algiers kan Oktubre 10, 1928.[1]
Kinaamayi kan buhay[baguhon | baguhon an source]
Komunista an saiyang ama na nagserbe sa Pranses na militar kan Rebolusyon-Oktubre, asin man musikero an saiyang ina.[1] Nagdakula sya sa daing-gayong relihiyosong harong, narumduman nya nganing pitong taon na sya kan maaraman nyang sya palan Hudyo. Kan 1940, pighali kan rehimeng Viche French an ika-19 siglo na Crémieux Decree, kaya man namenos an mga Hudyong Algerian kan saindang legal na pagiging residente na nagresulta man kan pagkahali ni Ben sa eskwelahan na pig-aatenderan nya sa Algiers. Nag-atender man sya nin kadiit na panahon sa eskwelahang Hudyo, alagad pigtapos an saiyang edukasyon sa harong huli ta sa pagkontra kan saiyang ama sa Zionismo.[1]
Sosyal asin politikal na hustisya[baguhon | baguhon an source]
Dawa kan aki pa, si Ben aktibo sa kawsang pansosyal na hustisya, partikular an paglaban sa pagtius sa indigenous na populasyon kan Algeria. Sa edad na 14, nagi syang presidente kan Young Communists. Aktibo man sya sa Unyon kan mga Kababaihan, asin sa espwerso kan organisasyon na ini, nagi syang maestra sa Miliana. Sya asin an mga kaiba nyang paratukdo, nagtukdo sa mga estudyante - kadakli mga tius na Muslim - asin nagin sibot man sa pagpamidbid kan politikal na kaisipan asin magpabantog pa kan de-kolonisadong perspektibo kan kasaysaysan.
Nag-suporta man si Ben sa Anti-Pranses na National Liberation Front (FLN) sa poon kan Algerian War of Independence, dangan nagbali sa mga komunistang Combattants de la Libération na mga gerilyang grupo kun sain nagtabang sya sa pagbabyahe kan mga armas.
Pigmidbid man sya kan gobyernong Pranses bilang sarong kriminal asin pigsentensyahan sya nin, in absentia, hasta sa 20 taon na masakit na pagtatrabaho, alagad dai man sya pigdakop asin pira pang mga taon, sya napatawad man.
Kan matapos an gera kan 1963, si Ben nagin myembro kan idependyenteng gobyernong Algerian
Mga panurat[baguhon | baguhon an source]
Bilang sya nagi naman na paratukdo, rebelde, asin lehislador, kan 1967 si Ben nagpuon kan saiyang karerang pang-arte bilang tagasurat-tula, parasurat-istorya, nobelista, asin pintor. [2]Nagpublikar man sya nin pirang koleksyon nin mga tula, koleksyon nin mga istorya(Ainsi naquit un homme; 1982), dangan nobela (Sabrina; 1986). Pinagseselebrar man sya huli sa saiyang abstract paintings.[3]
Pransya[baguhon | baguhon an source]
Kan 1991, kan maglaog na an Algerua sa periodo nin gerang sibil, nagpasiring si Ben sa Pransya. Nagpadagos sya sa pagsurat hanggan sa saiyang kagadanan kan taon 2001.
Bibliograpiya[baguhon | baguhon an source]
- Le soleil assassiné, L'Harmattan, Paris, 2002. ISBN 2-7475-2176-1 (poetry)
- Au carrefour des sacrifices, L'Harmattan, Paris, 2000.ISBN 2738413005ISBN 2738413005 (poetry)
- Quand les cartes sont truquées, L'Harmattan, Paris, 2000. ISBN 2738478654ISBN 2738478654 (memoir)
- Leïla: Les enfants du mendiant, L'Harmattan, Paris, 1998. ISBN 2738468942ISBN 2738468942 (play)
- Ainsi naquit un homme, L'Harmattan, Paris, 1993. ISBN 2738419240ISBN 2738419240
- Sabrina, ils t'ont volé ta vie, L'Harmattan, Paris, 1992. ISBN 2858027080ISBN 2858027080 (novel)
- Sur le chemin de nos pas, L'Harmattan, Paris, 1984. (poetry)
- L'âme de Sabrina, L'Harmattan, Paris, 2001. (short story)
Toltolan[baguhon | baguhon an source]
- ↑ 1.0 1.1 1.2 Hammerman, Jessica (2015). "Ben, Myriam". In Stillman, Norman A. Encyclopedia of Jews in the Islamic World. Brill. Retrieved 2018-10-14.
- ↑ Nasrin, Qader (2003). "Ben, Myriam". In Schirmer, Robert. Encyclopedia of African Literature. Routledge. p. 75. ISBN 9781134582235.
- ↑ Salami, Gitti; Blackmun Visona, Monica, eds. (2013). A Companion to Modern African Art. John Wiley & Sons. p. 262. ISBN 9781118515051.