Nick Joaquin

Nick Joaquin
Joaquin sa 2010 na selyo kan Filipinas
Kamundagan	Nicomedes Márquez Joaquín (1917-05-04)Mayo 4, 1917 Manila, Philippine Islands
Kagadanan	Abril 29, 2004(2004-04-29) (edad 86) San Juan, Metro Manila, Philippines
Trabaho	Nobelista

Si Nicomedes Márquez Joaquín (namundag Mayo 4, 1917, Paco, Manila; nagadan Abril 29, 2004, San Juan) sarong Filipinong nobelista, dramatista, historyador, peryodista, parasaysay, parasurat rawitdawit, asin biograpo na bistong marhay sa mga halipot na osipon asin nobelang saiyang sinurat sa lenggwaheng Ingles. Sinasabing an saiyang mga tokda' pinapanalmingan an manlaenlaen na yaman kultura kan banwang Filipino. Ginamit niya man an tagong-ngaran na Quijano de Manila sa saiyang pagsusurat. Nagawadan siyang titulo bilang Artista Nasyonal kan Filipinas sa Literatura (1976).

Mga nakaagi

Si Joaquin suminirang na gayo sa kompetisyon literaryong an nag'ama iyo an Orden Dominikano kun saen an saiyang piyesa, an "La Naval de Manila" (1943), agi-agi kan si ralaban sa Manila kan magsakyada an mga Olandes kan ika-17ng siglo, iyo an guminana. An Unibersidad nin Sto. Tomas piggawadan siyang titulong Associate in Arts (A.A.) asin ipinadara siya sa Hong Kong asin duman pinaadal sa St. Albert's Convent. Alagad dai siya nagtagal sa seminaryong ini asin nagluwas sa pagpapadi kan taon 1950. Pagkatapos kan Ikaduwang Gerang Pankinaban, siya naglahaw-lahaw sa Estados Unidos, Mehiko, asin Espanya. Ngapit siya nagsirbe komo representante sa kultura kan Filipinas sa Taiwan, Kuba, asin Tsina.

Naglaog siyang trabaho sa magasin na Philippine Free Press asin nagpoon siya bilang proofreader asta nagin siyang contributing editor asin essayist sa tagong-ngaran na "Quijano de Manila" (Datihan na tagaManila) na huli kaini nagin siyang gayong bantogan asin hinanap-hanap, pig'aabangan an saiyang mga sinusurat sa magasin na ini. Historyador dapit kan agi-agi kan Espanya igdi sa Filipinas, siya parasurat man nin mga halipot na osipon na masasabing pano sa gaweng Katolisismong Filipino.

Alagad kan magkaigwang problema sa mga obrero sa Philippines Free Press, kun saen siya nagtrabaho igdi nin 27 taon (1950-77), siya naghale igdi asin naghubo asin nagin editor sa Asia-Philippines Leader.

Mga tokdang maonambitan

An nobela niyang The Woman Who Had Two Novels (1961) pigsasaysay an iba-ibang pamanang yaman kan saiyang nasyon. An dramang A Portrait of the Artist as Filipino (1966) pinagngata' na magkasurubo an mga pangyayaring nakaagi sa presenteng panahon na dakul nang ipinaghira. Sinurat niya man an The Aquinos of Tarlac: An Essay on History as Three Generations (1983), sarong pag'istorya kan buhay ni Benigno Aquino, si kandidato presidensyal na pinag'asasinar. Cave and Shadows (1983) pinahiling na gayo an mga hiro-hiro sa panahon nin ley militar sa irarom kan poder ni Ferdinand Marcos. Kan 1993, sa librong The D. M. Guevara Story, sinurat niya an gira kan buhay ni Domingo M. Guevara, sarong Bikolano, na nag'asensong gayo sa negosyo asin sa tolong administrasyon nata'wan onra komo "Filipino Industrialist of the Year" alagad sinusog ni Joaquin kun pano kinalamkam kan Diktador Marcos an mga negosyo kaini ni Guevara.

Ilinubong si Nick Joaquin sa Libingan ng mga Bayani

Mga tokda'

• May Day Eve (1947)
• Prose and Poems (1952)
• The Woman Who had Two Navels (1961)
• La Naval de Manila and Other Essays (1964)
• A Portrait of the Artist as Filipino (1966)
• Tropical Gothic (1972)
• A Question of Heroes (1977)
• Joseph Estrada and Other Sketches (1977)
• Nora Aunor & Other Profiles (1977)
• Ronnie Poe & Other Silhouettes (1977)
• Reportage on Lovers (1977)
• Reportage on Crime (1977)
• Amalia Fuentes & Other Etchings (1977)
• Gloria Diaz & Other Delineations (1977)
• Doveglion & Other Cameos (1977)
• Language of the Streets and Other Essays (1977)
• Manila: Sin City and Other Chronicles (1977)
• Pop Stories for Groovy Kids (1979)
• Reportage on the Marcoses (1979)
• Language of the Street and Other Essays (1980)
• The Ballad of the Five Battles (1981)
• Reportage on Politics (1981)
• Tropical Baroque (1982)
• The Aquinos of Tarlac: An Essay on History as Three Generations (1983)
• Almanac for Manileños
• Cave and Shadows (1983)
• The Quartet of the Tiger Moon: Scenes from the People Power Apocalypse (1986)
• Collected Verse (1987)
• Culture and History: Occasional Notes on the Process of Philippine Becoming (1988)
• Manila, My Manila: A History for the Young (1990),
• The D.M. Guevara Story (1993),
• Mr. F.E.U., the Culture Hero That Was Nicanor Reyes (1995).
• Rizal in Saga (1996)
• ABE: A Frank Sketch of E. Aguilar Cruz (2004)

Mga pasib

• Republic Cultural Heritage Award (1961);
• Stonehill Award for the Novel (1960);
• first prize, Philippines Free Press Short Story Contest (1949);
• first prize, Palance Memorial Award (1957-58);
• Jose Garcia Villa's honor roll (1940);
• National Artist Award (1976).

Toltolan

[[