Nakano Takeko

Gikan sa Bikol Sentral na Wikipedia, an talingkas na ensiklopedya
Nakano Takeko
Nakano Takeko, an babaeng manlulusad nin Aizu
Katutubong Pangaran中野 竹子
Namundag saAbril 1847 (1847)
Edo, Hapon
Nagadan saOktobre 16, 1868(1868-10-16) (edad 21)
Aizu, Hapon
Sinulo sahead: Hōkai-ji, Aizubange, Fukushima, Japan
AlyansaAizu Domain
Serbisyo/SangayJōshitai
Taon kan Serbisyo1868
Mga labanan/Mga giyeraBatalya nin Aizu
Mga paggirumdom
Istatwa ni Nakano Takeko sa Hōkai-ji, Aizubange, Fukushima, Hapon
Mga RelasyonNakano Heinai (ama)
Nakano Kōko (ina)
Nakano Toyomi (lalaking tugang)
Nakano Yūko (babaeng tugang)
Akaoka Daisuke (kag-ampon na ama)

Si Nakano Takeko|中野 竹子|extra=Abril 1847 – 16 Oktobre 1868}} sarong Haponesa na babaeng manlulusad kan Aizu Domain, na naglaban asin nagadan durante kan Gerang Boshin. Durante kan Batalya nin Aizu, siya naglaban gamit an naginata halabang armas nin Hapon]]) asin siya an lider nin sarong hokbo nin mga babaeng soldados na naglaban duman sinabing batalya suway sa mga hokbo nin mga lalaki.

Si Takeko asin kairibang babaeng manlulusad nangenotan na magdaluso' sa prentera na daing pagtugot, huli ta sinda pigbawalan kan mga namamayong Aizu'ng soldados magprentera o magin parte kan si hokbong opisyal.[1] An yunit na ini inapod ngapit na Jōshitai (娘子隊, Hokbong Babae).

Kagadanan[baguhon | baguhon an source]

Retrato nin dai nabibistong onna-musha (posible aktres) na parati namamaloan na siya si Nakano Takeko

Kaamayi kan aga, duman sa Tulay Yanagi sa tungod nin Nishibata, Fukushima, si Nakano nagbungsod nin pagdaluso' laban sa mga tropa kan Japanese Imperial Army kan Domain nin Ōgaki, na pinamayohan nin sarong Shaguma na armado nin mga badil na de pulbura. Kan an mga tropa Imperyal nakagamiaw na an kalaban ninda mga babaeng soldados, biyo nabigla sinda asin nag'orden sa mga kumander ninda na dai sinda badilon. An pagkamongnan ninda nagtaong oportunidad sa mga babaeng soldados na mag'atake. Nagadan tolos ninda magkapira sa mga tropa asin ta napiritan na sindang paputokan. An grabeng kaisogan kan si mga babaeng soldados nin Aizu nagpahanga nanggad sa kaiwal sa ipinahiling na isog asin bangis. Armado kan saiyang naginata, si Nakano Takeko nakagadan man ngani nin lima o anom na kalaban[nangangaipo nin toltolan] bago ini naglakma' huli sa tama sa daghan nin bala.

Ngani dai pagringgawan an saiyang bangkay kun ini mahulog sa kamot kan kaiwal asin ini gibohon tropeo, si Nakano inulayan niya saiyang tugang na si Yūko na pugotan siya asin siya mata'wan nin honorable paglubong. Si Yūko nag'uyon sa kahagaran ni Nakano. Hinagad niya an tabang kan sarong soldados na si Ueno Yoshisaburō, sarong soldados na Aizu, sa pagpugot. Si Hirata Kochō, tugang niyang ka-ampon nailigtas ni Jinbo Yukiko sa batalya asin komo bise-kumandeer iyo na an namayo sa tropa sa pagdepensa sa Aizuwakamatsu Castle pakagadan ni Nakano.

Pakatapos kan si batalya, an payo ni Nakano Takeko dinara kan saiyang tugang na ngohod sa templo nin Hokai kan saindang pamilya, na ngonyan an modernong Aizubange, sa prefecture nin Fukushima, asin ini ilinubong na may onra kan padi sa lindong nin sarong kahoy. An saiyang armas na naginata ipigdonar sa templo.[2]

Monumento[baguhon | baguhon an source]

Monumento ni Nakano Takeko sa Hōkai-ji, Aizubange, Fukushima, Japan

Sarong monumento an ipingagpatindog sa pag'onra saiya kataid kan saiyang lulubngan sa Hōkai Temple. Sarong taga-Aizu asin admiral sa Imperial Japanese Navy na si Dewa Shigetō an nagpatugdok kan monumento.[2]

Legasiya[baguhon | baguhon an source]

Durante kan taonan na Aizu Autumn Festival, sa grupo nin mga kahubinan na mga babae an nasulot nin hakama asin banda sa angog na puting tela an naprosesyon sa pagromdom kan si kaisogan ni Nakano asin saiyang mga babaeng manlulusad duman sa Joshigun.[1]

Toltolan[baguhon | baguhon an source]

  1. Hoshi Ryōichi (2006). Onnatachi no Aizusensō. Tokyo: Heibonsha. p. 80.
  2. 2.0 2.1 Yamakawa Kenjirō; Munekawa Toraji (1926). Hoshū Aizu Byakkotai jūkyūshi-den. Wakamatsu: Aizu Chōrei Gikai. pp. 63–64.

Mga basahon pa[baguhon | baguhon an source]

Mga panluwas na takod[baguhon | baguhon an source]