Napoleon Abueva
Si Napoleon Abueva (Enero 26, 1930 – Pebrero 16, 2018), sarong Filipinong eskultor. Gibo kang mga napapalaen na mga obra niya sa lantad nin eskultura, siya pinagbisto bilang "Artista Nasyonal kan Filipinas Sa Eskultura" asin nabansagan man komo "Ama kan Modernong Eskultura sa Filipinas".
Ginikanan/Inadalan
[baguhon | baguhon an source]Si Napoleon Abueva, namundag sa Tagbilaran, Bohol sa magurang niyang si Teodoro Abueva, sarong Boholanong kongresista asin si Purificacion Veloso. Si Abueva may anom na mga tugang: Teodoro Jr., Purificacion, Jose, Amelia Martinez, Teresita Floro, asin Antonio.[1]
Saiyang ginamit an kangaranan na Napoleon sa edad na 6 kan siya estudiante sa St. Joseph Academy sa Tagbilaran. Saro sa mga madre duman inapod siyang Napoleon na iyo an kangaranan ni Napoleon Bonaparte. Poon kaidto duminukot na an bansag saiya asin parating nasasambit niya an bantogan na tinaram ni Bonaparte: "Kun ako nataon na bakong conquistador, mama'woton kong ako sarong eskultor." Sa U.P, saro sa saiyang mentor iyo si Guillermo Tolentino, na ini saro man na artista nasyonal, asin iyo an nagmukna kan oblation sa may daratangan kan unibersidad na ini. Si Tolentino pinagtokahan siyang iyo an maggibo kan kaarog kan oblation sa kampus kan U.P. Los Banos. Kan 1976, siya naproklamar ni Presidente Ferdinand Marcos komo Artista Nasyonal kan Filipinas para sa Arte Biswal. siya an pinakahubin na nagin resipyente kan siring na titulo sa edad na 46.
Mayor na mga Obra
[baguhon | baguhon an source]- Kaganapan (1953)
- Kiss of Judas (1955)
- UP Gateway (1967)
- Thirty Pieces of Silver
- The Transfiguration (Eternal Gardens Memorial Park) (1979)
- Sandugo (Blood Compact)
- The Fredesvinda (Fort Canning Park - Singapore) (1982)
- Siyam na Diwata ng Sining (Nine Muses) (1994)
- UP Faculty Center
- Sunburst (The Peninsula Manila Hotel) (1994)
