Nasyunal na bandera

Johnson's new chart of national emblems, pinublikar c. 1868. An darakulang bandera na pigpapahiling sa kanto iyo an 37-bitoon na bandera kan Estados Unidos (pigpalyog 1867 — 1890), an Royal Standard of the United Kingdom, an Russian Imperial Standard, asin an French tricolor kaiba an Imperial Eagle sa inset. Manlaenlaen na ibang bandera na pigpapalayog kan mga barko an pigpapahiling. An Bandera kan Kuba binugtakan nin ngaran na "Cuban (so called)". An Dragon na Tsino sa Bandera kan Tsina iyo an ginurit nin sala bilang dragon kan solnopan.

An nasyunal na bandera o wagayway iyo an bandera na nagrerepresentar asin nagsisimbolisar sa sarong nasyon. Pigpapalayog iyan kan gobyerno kan nasyon na iyan, alagad pwede man na palayogon kan mga namamanwaan. Tipikal an nasyunal na bandera na pigdesenyohan nin espesipikong kahulugan para sa saiyang mga kolor asin mga simbolo, na kun saen iyan an gagamiton nin suhay gikan sa bandera bilang simbolo kan nasyon. An desenyo kan nasyunal na bandera kun minsan pigliliwat pagkatapos kan pangyayari kan importanteng makasaysayan na ganap. An pagsulo o pagraot kan nasyunal na bandera iyo an dakulang simbolikong akto.