Nato Sagñay

An Barangay Nato saro sa mga Munisipalidad kan Sagñay na mahihiling sa dakulang banwaan kan Camarines Sur. Saro ini sa mga Baryo na ugwang mahamis na kapinunan asin kakaibang kultura na pano nin pagkamoot sa lambang-saro.

An ikinabubuhay kan mga naka-istar digdi mayong iba kundi an paglahod na iyo an primerong nakukuahan kan saindang pagkakan sa aro-aldaw, mantang pagpuon taong 2008 naging popular man digdi an pagtatanom na pinapabakal ninda sa mga dayo kan saindang lugar. Pwera kan saindang mayamang kadagatan, saro sa nagtataong onra sa Nato Sagñay, iyo an saindang pagtubod asin makulay na debosyon. May mga manlaen-laen na paagi kun pano ninda hiniheras an saindang pangadyi, yaon na diyan an pag novena kada dominggo, pagprosesyon kan mga Santo kun maabot an mahal na aldaw, pagrosaryo bara-banggi asin an pagdulot nin mga kanta na may hararom na ibig sabihon. Puon kaidto hanggang sa ngunyan na panahon, padagos ining pinapa pusog kan mga tao digdi nin huli ta, minatubod sinda na sa paagi kan pagpangadyi nililikay kaini an saindang lugar sa maraot na panahon, mga helang asin disgrasya.

Sa kagayunan, ang ginikanan kan Nato Sagñay, simple man lang. Simplehon an pagbuhay, may pag-andam sa kadasaro, dai nawawara an pagtubod, mantang sa simpleng paaging ini, nagiging magayon gabus na bagay. Ang mahika sa Nato Sagñay iyo an manudan kan gabus kun pano magtubod, asin mamoot.