Nekropilya
An nekropilya, inaapod man na thanatophilia o necrolagnia, sarong atraksyon sekwal sa mga bangkay o an pagkikidurog nanggad sa sarong bangkay ta yaon diyan namamate niya an kasiraman. Napipisan man an gawe na ini sa deskripsyon na inapod 'paraphilia' kan Diagnostic and Statistical Manual of the American Psychiatric Association. An kataga' hale sa Griyegong tataramon na νεκρός (nekros; "gadan") asin φιλία (philia; "pagkamoot"). Enot nagamit an terminong ini kan sikologong si Joseph Guislain, sarong taga-Belgium, sa lektura niya kan taon 1850.[1]
Pagpisan'pisan
[baguhon | baguhon an source]Sa Diagnostic and Statistical Manual of Mental Disorders, ikalimang edisyon (DSM-5), uru-otro, matinding interes sekwal sa bangkay pwedeng ma-diagnose na Other Specified Paraphilic Disorder (nekropilya) kun ini nagkakawsa nin makuring ribaraw-isip o pagkapalya sa mga importanteng parte kan paggawe-gawe.[2]
Si Forensikong sikologo na si Anil Aggrawal nagpaluwas nin sampolong tangga nin pagpipisan kan mga nekropilyang hiro-hiro, basado sa pataas na pagkakuri kan sinabing disorder.[3]
| Klase | Pangaran | Mga pagkamidbiran |
|---|---|---|
| Klase I | Mga Para-papel | Mga tawo napupukawan sekswal kun an saindang katambal nagsasagin gadan mantang sinda nagseseks . |
| Klase II | Romantikong nekropilo | Mga Nagmumundo na sobrang interes pa sa hawak kan gadan nang saindang kinamo'tan. |
| Klase III | Mga nagpapantasyang nekropilo | Mga tawong nagpapantasya manongod sa nekropilya, pero dai man aktwal nakikidurog sa mga bangkay. |
| Klase IV | Parakapkap na nekropilo | Mga tawong napupukawan sekswal kun nakakapot o nakakahapros nin bangkay, na dai man ini nakikidurog igdi. |
| Klase V | May fetish na nekropilo | Mga tawo na nakua nin mga bagay o kabtang hale sa bangkay sa tuyong mapukawan sekswal, na dai man nakikidurog. |
| Klase VI | Nekromutilomanyak | Mga tawong napupukawan sekswal mantang linulugadan an bangkay na sabay nagbabate, alagad dai man nakikidurog. |
| Klase VII | Mga naaprobetsang nekropilo | Mga tawong normalmente mayo man interes sa nekropilya, alagad nagibo kun yaon an oportunidad. |
| Klase VIII | Regular na nekropilo | Mga tawong mas gustong makipagseks sa gadan. |
| Klase IX | Homisidong nekropilo | Nekrosadista,[4] mga tawong paragadan manggagadan sa tuyong makapagseks sa bangkay kan saiyang ginadan. |
| Klase X | Eksklusibong nekropilo | Mga tawong an interes nanggad an makipagseks sa gadan, asin dai nakakagibo nin pagseks sa sarong buhay na tawo. |
Toltolan
[baguhon | baguhon an source]- ↑ https://www.sciencedirect.com/topics/medicine-and-dentistry/necrophilia. Kinua 10-10-22.
- ↑ American Psychiatric Association, ed. (2013). "Other Specified Paraphilic Disorder, 302.89 (F65.89)". Diagnostic and Statistical Manual of Mental Disorders, Fifth Edition. American Psychiatric Publishing. p. 705.
- ↑ Aggrawal, Anil (2009). "A new classification of necrophilia". Journal of Forensic and Legal Medicine 16 (6): 316–20. doi:. PMID 19573840. (kinakaipuhan an subskripsyon)
- ↑ Purcell & Arrigo 2006, p. 21.
