Nelly Villafuerte

Si Nelly Favis Villafuerte sarong Filipinong abogada, parasurat, kolumnista sa peryodikong Manila Bulletin, nagtutukaw direktor sa magkapirang korporasyon asin nagin editor nin magasin. Siya an agom kan kongresistang si Luis R. Villafuerte.

Siya nagkandidato para sa terser distrito kan Camarines Sur bilang Kongresista sa eleksyon taon 2013 alagad nadaog siya ni Maria Leonor Robredo.

Edukasyon

Siya nagtapos sa elementarya asin sekundarya na valedictorian. Dangan nagin iskolar kan nag'adal sa Unibersidad kan Pilipinas asin siya an nagin senior valedictorian kan nagtapos nin abogasya sa UP College of Law (1959). Kan magkuang Bar Exam, siya nagpwestong ika-7 sa mga may pinakahalangkaw na grado. Siya nagtapos nin Master's Degree man sa Business Management kan nag'adal sa Asian Institute of Management kan taon 1973.

Pamilya

Agom kan si Kong. Luis R. Villafuerte, siya igwang anom na aki: Mariano "Bong" III, Mylene, Lalaine, Marita, L-Ray, asin si Lori-Lisa.

Karera

Bilang sarong propesyonal, dakulon an katongdan na saiyang kinaptan asin dakul na trabaho an saiyang pinagkasibotan. Kan mga enot na panahon siya nagin Executive Producer kan programang "Business Today" sa GMA 7 (1992-1995), Executive Producer kan sarong dokumentaryo tituladong "The Gallant Filipino" (1994) sa GMA 7; siring man kan dokumentaryo sa buhay ni Ninoy Aquino "Moments with Ninoy" (1993) sa parehong estasyon. Nagin siyang editor kan magasin na Panorama (1996-1998).

Siya nagin man Gobernador sa Board of Investments (1998-1996), Undersecretary sa Department of Trade and Industry sa sarong departamento duman, asin regular na myembro kan Monetary Board kan Bangko Sentral ng Pilipinas (2005-2011).

Sa presente, siya direktor sa Skyphone Logistics, Inc., direktor sa Wi-Tribe Telecoms, Inc., asin direktor man sa Petron Corporation poon pa kan Desyembre 2011. May duwang kolum siya sa Manila Bulletin na sinusurat, an saro tituladong "Export Action Line" na tuyong pinapaluwas kun Sabado asin an kolum na "Gentle Breeze" na naluwas doro-Domingo.

Mga libro asin publikasyon

• Laws on Banking & Financial Intermediaries Philippines (4 na tomo) 2012
• Handbook on Laws & Regulations on Micro & Small Enterprises with commentaries, 2011
• Book on What Credit Cardholders Should Know About Interests and Penalties on Credit Card Transactions, 2011
• Handbook on Microfinance (Philippines 2007)
• Understanding Cyberspace, 2001
• Handbook on Exporting, 1989, 1991, 1994
• Special Report on Cyber Law & Cyber Crimes, 16 na parte, nagluwas sa Manila Bulletin (March 2000)

Mga onra asin pagmidbid

• AIM Honor and Prestige Awardee for Outstanding Government Service (March 5, 2004)
• Outstading Woman in Media and Journalism, sarong gawad presidensyal sa administrasyon ni Pres. Fidel Ramos (1996)
• Resipyente, Father Jose Burgos Achievement Award, para sa serbisyo publiko asin naginibohan (2009)