Nene De Asis

Gikan sa Bikol Sentral na Wikipedia, an talingkas na ensiklopedya
Jump to navigation Jump to search

Si Cecila "Nene" Veluz De Asis[1], mas bisto sa ngaran na Nene, aki kan dating alkalde kan banwaan kan Del Gallego[2] na si Silverio De Asis. Asin an saiya man na ina, iyo si Lucy na nagin alkalde man sa Del Gallego sa laog kan pitong taon. Sa saiyang mga magurang inot niyang nanudan an esensya kan serbisyo publiko.

Termino sa Politika[liwaton | liwaton an gikanan]

Minsan na nabansagan bilang Kasurog kan Familia(Family defender)[3], inot na nagin City Council si De Asis kan taon na 1998. Natapos niya an saiyang tulong taon na termino kan taon 2007. Alagad, kan 2010 siya giraray na-ilaag sa pwesto asin nanombrahan bilang "first woman" councilor topnotcher.

Mga Lakdang[liwaton | liwaton an gikanan]

Si De Asis nagpasa nin mga ordinansa na minatao nin proteksiyon sa mga nagkakaarabusong mga esposo, asin huli digdi naimukna niya man an primerong Naga City Council for Women. An petsa 8 hasta 14 kan Marso nagin opisyal na aldaw tangani na iselebrar an Women's Week [4]sa syudad. Ipigtulod niya man an ordinansa para sa mga biktima nin panlulugos, orog na an paglaag nin Pink Crisis Center sa mga ospital sa Naga. Nagkaigwa man nin komitiba para sa mga babayi sagkod aki an kada baranggay huli sa saiyang inisyatibo. An mga ordinansa sa Breastfeeding, Foster Care for Abused Children, asin Council para sa Multi-sektoral STI/HIV/AIDS saiya paman na itinulod. Apwera kaini, kaiba sa mga lakdang niya iyo an pagtao nin proteksiyon sa mga nagkaka-arabusong mga kaakian katakod diyan an maninigo man na penalidad, an pagpalawig kan termino kan mga Baranggay Health Workers, pagtaas kan saindang Honoraria, asin an iba pang asistensiya na kaipohan. Sa saiyang primerong torno, pigtrabaho niya man an pag-implementar sa Foster Care for Abused Children. Huli sa saiyang pigmuknang Bantay Familia, napili bilang Gender and Development Local Learning Hub (GAD LLH) kan Philippine Commission on Women [5]an Naga City.

Sa presente, siya minadalagan bilang para bise-alkalde sa lindong kan Team Naga[6],gabus-kun-gabos, ubus-kun-ubos, na pinagpunan kan dating alkalde kan Naga asin DILG Secretary na si Jesse Robredo.[1][2]

Toltolan[liwaton | liwaton an gikanan]