Night Safari, Singapore

An Night Safari, Singapore iyo an kaenot-enote sa kinaban na pambangging zoo na namomogtak sa Mandai, Singapur. Saro sa bantog na pandagka sa mga turista sa nasyon, binibilog kaiyan an parte kan Mandai Wildlife Reserve kaiba an River Wonders, Singapore Zoo asin Bird Paradise.

An konsepto kan pambangging parke sa Singapur sinuhirir kaidtong dekada 1980 kan dating executive chairman kan Singapore Zoo na si Dr Ong Swee Law. Tinogdok sa gastos na S$63 million, an Night Safari opisyal na binuksan kaidtong Mayo 26, 1994 asin inokupar an 35 hectares (86 acres) kan sekondaryong rainforest na kataid kan Singapore Zoo asin Upper Seletar Reservoir.

An Night Safari sa ngunyan pighaharong an labi sa 900 na hayop na nagrerepresentar sa labi sa 100 spesye, na kun saen an 41% iyo an threatened species. An Night Safari pigmananehar kan Mandai Wildlife Group, asin haros 1.3 milyon na bisita an nagbibisita sa safari kada taon. An Night Safari naresibe an saiyang ika-11 milyon na bisita kaidtong May 29, 2007.