Nik Wallenda
| Nik Wallenda | |
|---|---|
 Wallenda sa Skyscraper Live komperensya nin prensa sa Chicago Nobyembre 2, 2014 | |
| Kamundagan | Enero 24, 1979 Sarasota, Florida, U.S. |
| Iba pang mga ngaran | The King of the Wire (bansag) |
| Trabaho | Akrobat, daredevil, artista sa high wire |
| Mga taon na aktibo | 1992–presente |
| Midbid bilang | akto sa tulay alambre mayong salong hikot Pinakaenot na persona naglakaw sa hutay na almbre sa tahaw kan Busay Niagara |
| Gabat | 193 libra (88kg) |
| Relihiyon | Born Again Christian |
| Agom | Erendira Vasquez(1999) |
| Mga aki | 3 |
| Mga magurang | Delilah Wallenda asin Terry Troffer |
| Sadiring-tao | Karl Wallenda (lolo sa tuhod) |
| Mga gawad | Siyam na beses nagkapot na titulong pankinaban |
| Websityo | |
| nikwallenda | |
Si Nikolas "Nik" Wallenda (namundag Enero 24, 1979) sarong Amerikanong akrobat, aerialista, pogosong artista, artista na paralakaw sa alambre, asin autor. Bantog siya sa mga pasale niyang paglakaw sa alambreng nakahutay sa ayre na mayong salong hikot. May kapot siyang siyam na rekord na Guinness World Records sa magkakapirang mga akrobatikong pasale alagad bistong gayo na siya an pinakaenot na personang naglakaw sa hutay na alambre sa tahaw nin Busay Niagara. Siya an ika-7ng myembro sa pamilyang The Flying Wallendas. Si Nik Wallenda nagpartisipar na sa mga sirkus na pasale komo aki pa. Sa edad na 13 anyos siya nagin propesyonal na paralakaw sa hutay-na-alambre. Pinili niyang karera an paglakaw sa halangkaw-na-alambre kan nagin siyang parte kan 8-persona pyramid sa halangkaw-na-alambre. Poon 2002 sagkod 2006, siya nagperform kaiba an saiyang pamilya sa iba-ibang lugar asin nagbilog sadiri niya tropa kan 2005. Pag'oltan 2007 asin 2008, siya nagpapel sa sarong stunt sa inapod na Wheel of Steel na saiya mansanang pig'imbento. Kan 2009, nakamit niya an bagong rekord sa mga pinahalangkaw asin pinakahaloy na paglakaw sa tightrope. Nakumpleto niya an total na 15ng lakaw sa langkaw na 100 na pye (30 m) sa ayre.
