Nike (Mitolohiya)

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Estatuwa ni Nike, sa Museo kan Louvre
Pigura ni Nike, nadukayan sa rogba kan Epesus
Sarong sadit na estatuwa ni Nike, nakua sa Vani, Georgia


An Nike (/ˈnaɪki/; Greek: Νίκη, "Kapangganahan", Antigong Griyego: [nǐːkɛː]), sa soanoy na relihihyon kan Gresya, siya ini an diyosa na representasyon kan kapangganahan, na bisto man sa apod na Pakpakan na Diyosa nin Kapangganahan. Sa mga Romano, midbid siya sa apod na Victoria. Depende sa panahon kan iba-ibang mito, siya pinabisto bilang aki ni Titan Pallas asin ni diyosang Styx, tugang man ni Kratois (Kusog), Bia (Pwersa), asin Zelus (Kaigotan).[1][2]

Antigong toltolan[liwaton | liwaton an gikanan]

Si Nike asin saiyang mga tugang ugos na pag'iriba ni Zeus, an dominanteng diyos kan Griyegong panteon. Susog sa soanoy na mito, si Styx dinara an magturugang ki Zeus kan panahon na ini nagtitipon nin mga kakampi sa saiyang laban kontra sa mga gugurang na mga diyos-diyos, na apod Gera nin mga Titan. Si Nike nagpapel bilang sakay sa karwahe guyod nin mga kabayo. Siya naglalayaw-layaw sakay sa siring sa lantad nin batalya, nagpapanao sa mga manggarana nin kabantogan asin kamurawayan, na sinisimbolo nin putong na dahon laurel.[3][4]

Si Nike pirming nahihiling na may pakpak sa haros gabos na estatuwa asin mga pinta niya, na saro sa bantog na marhay iyo an Pakpakan nin Kapangganahan nin Samothrace. Haros gabos na mga diyosang may pakpak pigrepresentar na kan panahon klasikal na mayo nang mga pakpak. Si Nike pigtata'naw pa bilang saro pang representasyon nin kusog, rikas, asin kapangganahan. Si Nike ugos na amiga man ni Atena. An pigura niya iyo an komun na linaladawan sa mga takal na kwarta kan Griyego.[5][6][7]

Mga panluwas na takod[liwaton | liwaton an gikanan]

  • [1]Mitolohiyang Griyego. Kinua 14-8-16.



Toltolan[liwaton | liwaton an gikanan]