Nobel Peace Center
An (Ingles) Nobel Peace Center (Plantilya:Lang-no) (Bikol, Sentro nin Katoninongan kan Nobel) sa Oslo, Norway, iyo an padalanan kan Premyo Nobel sa Katoningonan asin an mga pigtutubbdan na pigrerepresentar. An kwartel iyo man an kinamumugtakan kun saen an kultura asin politika nagsasarapong sa tuyong magrarom an pakikilabot, urulay asin paghorop-horop dapit sa ulayon sa paghihimukat siring kan gera, katoninongan asin diringkilan.[1] An kwartel namumugtak sa Oslo, Norway sa City Hall Square (Rådhusplassen).[2]
Historya
[baguhon | baguhon an source]
An Sentro nin Katoninogan kan Nobel binuksan kan 2005 kan Saiyang Kagalang-galang na Hadeng si Harald V nin Norway sa sarong seremonya atendido kan mga pamilya real nin Norway asin Kanada. Si Nobel Peace Prize laureate na si Wangari Maathai yaon man an presensya. An Kwartel nagreresibi nin mga 250.000 na bisita taon-taon asin iyo ini an saro sa pinaka-sinusungko sa mga museo nin Norway. An Sentro nin Katoningonan kan Nobel namumugtak sa dating edipisyo kan Oslo Vestbanestasjon (Oslo West railway station). Tinugdok kan 1872, an dating edipisyo nin istasyon nin perokaril pigdesenyo ni arkitekto Georg Andreas Bull (1829–1917). Ini napondo nang gamiton komo istasyon perokaril kan 1989. Ini nagtatanaw kan pantalan asin nakakaag harani sa Oslo City Hall kun saen an seremonya nin Paggawad kan Premyo Nobel sa Katoningonan ginigibo sa ika-10 nin Desyembre sa pagromdom kan pagkagadan ni Alfred Nobel.[3][4]
An Briton na arkitektong si David Adjaye iyo an responsable kan desenyong maarte kan Sentro, pati na an eskema nin pagpinta igdi; an Amerikanong taga-desenyo na si David Small iyo an naghaman kan hi-tech na mga instalasyon. An Sentro pigsusuportaran sa pinansyal kan Ministriya nin Kultura nin Norwego, mga pribadong taga-anduyog, asin sa mga tiket sa paglaog. An anoman na mga temporaryong eksibit anas suportado.[5] An Sentro nin Katoninongan kan Nobel i-inaatubang an mga laureates asin saindang mga trabaho, patin an mga istorya dapit sa buhay ni Alfred Nobel saka an iba pang mga Premyo Nobel. Ginigibo ini paagi kan multimedia asin interactive na teknolohiya, mga eksibit, uru-urulay asin pagtiripon, mga debate, teatro asin konsyerto, patin man mga komperensya, mga programa edukasyon, saka regular na paglibot sa lugar.[6]
An Sentro nin Katoninongan kan Nobel sarong pundasyon asin parte kan network nin mga institusyon Nobel na representado sa luwas kan Nobel Foundation, na iyo man an nag'aadministrar kan mga aktibidad dapit sa impormasyon asin sa mga karabuhaton sa pagsibot sa paggawad kan Premyo Nobel. Si Kjersti Fløgstad iyo an direktor kan Nobel Peace Center. Si Olav Njølstad iyo an chairman kan Hunta, na an pagnombra kaini katongdan kan Norwegian Nobel Committee.
Hilnga man
[baguhon | baguhon an source]Toltolan
[baguhon | baguhon an source]- ↑ Jon Gunnar Arntzen Nobels Fredssenter Store norske leksikon
- ↑ "Rådhusplassen". Oslo kommune. 13 January 2015. Retrieved October 1, 2020.
- ↑ Nobel Peace Center Opens in Oslo Royal Norwegian Embassy in Washington
- ↑ Geir Tandberg Steigan. "Arkitekter:Georg Andreas Bull (1829-1917)". artemisia.no. Retrieved November 1, 2017.
- ↑ Nobel Peace Center Nobelprize.org
- ↑ "Nobel Peace Center". FrommerMedia LLC. Retrieved November 1, 2017.
Mga Panluwas na takod
[baguhon | baguhon an source] |
An Wikimedia Commons igwa nin medya dapit sa Nobel Peace Center. |
Plantilya:Nobel Peace Prize navbox Tagboan: 59°54′41.34″N 10°43′49.73″E / 59.9114833°N 10.7304806°E