Nuestra Señora de Peñafrancia

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
An imahen ni Inang Penafrancia

An Nuestra Señora de Peñafrancia, inaapod na "Inâ" kan saiyang mga deboto, iyo an patrona kan rehiyon Bikol, Filipinas. Ipigseselebrar an kapistahan kaini pagse-Septyembre.

An korona asin aureola ni Inâ[liwaton | liwaton an gikanan]

An aureola ni Ina'

An korona ni Inâ saka an saiyang aureola iyo an pinakamahalaga na parte kan imahen. An korona, na tinampokan nin mga gapong mamahalon enot na inusar kan Septyembre 20, 1924 durante kan koronasyon kanoniko ni Nuestra Senora de Penafrancia komo Patrona kan Bicolandia. An nagpasadya kaini iyo si Rev. P. Casimiro Lladoc sa Zamora Brothers sa Manila. An gasto kaini pinagpâsan kan mga kaapil kan Penafrancia Association na nataon an presidente iyo si Eduardo Ontengco. Kan panahon man na idto si Dona Antonietta Cecilio Pardo vda.de Strohm nagdonar nin apat na ribong pesos (Php 4,000.00) na nakatabang sa pagpahaman asin pagbalukat kan korona.

Ini ginamit naman kan 1948, Taon ni Maria, asin kan 1949 kan Anibersaryong Pirak ni Inâ ta ika-25ng taon nin saiyang koronasyon. Ultimong nausar ini kan 1974, an Bulawan na Anibersaryo niya poon kan koronasyon kanoniko.

An aureola niya iyo an talidong na sagyap namugtak sa likod kan saiyang korona. Ini an mahal na gayong alahas ni Inâ. Igwa ining 12 saradit na bitoon na pigrerepresentar an 12 apostoles asin an 12 tribu kan Israel. Sa balang bitoon may nakatampok na gapong mamahalon. Hihnaman daa ini kan mga taon 1870 asin donasyon kan sarong nag'ngangaran Dona Aleja de la Paz Vda. de Antonio Cecilio. Nakatukaw an aureola sa purong bulawan. Ini daang mga gapong mamahalon kadamotan ini kan kuleksyon kan si kagdonar na harale pang luwas kan nasyon sa saiyang mga pagbyahe'byahe.

Alagad, an duwang ining mahalagang bagay bihira nang ipagdayaw sa prusisyon asin nakasaray sa sarong safety box sa sarong bangko ta natatakot an mga otoridad kan Simbahan na mahabon ini.

An mga ginagamit sa pagpruprusisyon tuyong piyesta iyo an mga huwad kan si mga orihinal.

Historiya[liwaton | liwaton an gikanan]

Saro sa mga katolikong tradisyon iyo an debosyon kay Marian. Kitang mga Pilipino lalo na ang mga Bicolano igwang naiiba asin hararom na pagkamoot sa Inang Maria - an ina ni Hesus asin satuyan Ina. Kita minatubod na sa tabang nya kita maburunyog asin tatabangan kita na maihagad an satong mga pangadyion. Ini, satong makusog asin pusog na pagtubod na an satong mga kahagadan satong makua sa tabang kan saton mahal na ina.

Man iba-iba man an apod saiya sa iba't-ibang rehiyon digdi sa Pilipinas. Saro sa mga apod na ini: Nuestra Señora de Caridad sa Ilocanos; Our Lady of Manaoag sa mga taga Pangasinan; Lady of Piat sa Cagayanos; Nuestra Señora del Rosario de la Naval o Nuestra Señora de Antipolo sa mga Tagalogs. Alagad, saro sa pinka sikat na ngaran iyo an Nuestra Señora de Peñafrancia, mas bistado na apodon INA. Ang pagkamoot asin pagtubod na ini yaon sa panahon kan pagsakop kan Espanyol.

Harani sa Salamanca, Spain, igwang lugar na San Martin de Castañar na yaon sa pamitisan kan burol nin Peña de Francia. Si Simon Vela asin an saiyang pagiriba nakua ang imahe ni Ina kan Mayo 19, 1434 na inapod na Nuestra Señora de Peñafrancia.

Kan 1700, An pamilya Covarruibias kan San Martin de Castañar nag lipat sa Pilipinas asin nagmantinir sa Cavite. Saro sa mga aki na si Miguel nagkahilang habang nagaadal sa Unibersidad kan Sto. Thomas sa Manila. Igwa siyang dakulang pagtubod kay Ina. Sa ladawan ni Ina siya nagbolong asin saro siya sa mga mirakulo na itinao ni Ina.

Nadistino si Miguel sa Ciudad nin Naga asin naimbitaran siya ni Biship Andres Gonzales (1685-1709) sa arkidiyoses nin Caceres. Magpuon kadto siya naging padi asin bikaryo heneral kan diyosesis.

Peñafrancia Fiesta[liwaton | liwaton an gikanan]

An pagselebrar kan Peñafrancia nagpupuon pag ika tolong Sabado kan Setyembre sa Ciudad nin Naga. Ini saro sa pinaka dakula asin makulay na piyesta sa bansa. Ini saro sa mga selebrasyon na mawot an pagtubod sa relihiyon, kultura asin tradisyon sa siyam na aldaw. An pag selebrar na ini iyo an mga parada, mga pakawat, mga pagtatanghal, karera nin mga bangka (regatta), asin iba pang mga kumpetisyon.

Mga takod paluwas[liwaton | liwaton an gikanan]

Hilnga man[liwaton | liwaton an gikanan]