Nuestra Señora de Salambao
| Nuestra Señora de la Immaculada Concepcion de Salambao | |
|---|---|
 Haraning kua kan ladawan nin Nuestra Señora de Salambáo, na ipinapahiling syang nakasalakpaw sa sarong salambáw. | |
| Lokasyon | Obando, Bulacan,  Philippines |
| Petsa | 19 Hunyo 1763 |
| Saksi | Juan, Julián, asin Diego dela Cruz |
| Klase | Pagkakua kan imahen |
| Santuario | Simbahan nin Parokya nin San Pascual Baylón, Obando, Bulacan, |
An Nuestra Señora de Salambáo (Espanyol: Nuestra Señora de la Inmaculada Concepcion de Salambáo; Tagalog: Mahal na ng Birhen ng Salambao o Birhen ng Salambaw) sarong Katolikong titulo kan Banal na Birhen Maria na pinagsasamba sa Obando, Bulacan, Filipinas. An Birheng Maria sa irarom kan titulong ini pinag-aantabay bilang lokal na mga patron nin pagsisira, tongod sa nadiskubreng imahen sa sarong salambáw, sarong klaseng dakulang pandakop-sira na suportado nin magkasaralay na kawayan asin nakasapaw sa barsa.[1]
An imahen nakaharong kaibahan nin Santa Clara de Asis asin San Pascual Baylon sa laog kan Simbahan nin Obando. tolong santo minaporma nin sarong katulohan na iyo an sentro kan taonan na Bayle sa Obando o inaapod man na Obando Fertility Rites na piggigibo poon 17 abot 19 kan kada bulan na Mayo.
Leyenda[baguhon | baguhon an source]
An petsa kan pakakua kan ladawan tradisyonal na piggibo kaidtong 19 Hunyo 1763. Tulong parasira, nagngangaran Juan, Julián, asin Diego dela Cruz, an nandadakop sira sa sarong lugar na inaapod Hulingduong sa banwaan nin Tambobong (sa ngunyan sa Syudad nin Malabon). Duman, saindang nadakop an rebulto paagi kan saindang salambáw, na sarong dakulang klaseng binabaton na pansira na gibo sa mga magkasaralay na kawayan asin nakasapaw sa barsa. Kan an mga parasira magprobar na darahon an imahen nin Birhen sa kataid na Navotas, biglang nagin magabat asin dai nahihiro an saindang salambáw. Nagdesisyon sindang magpasiring sa Obando, asin an saindang barsa biglang guminian asin nagin pasil pagsagwan. Ini inako nindang tanda na boot kan Birhen na ilaog sa Obando.
An ladawan—kasabay nin sarong replika salambáw—ngonyan nakaharong sa sarong kahoy na retablo (reredos) sa taas kan halangkaw na altar nin San Pascual Baylón Parish, kairiba an mga rebulto nin Santa Clara asin San Pascual. An sarong replika kan rebulto, sa sadiring salambáw kaini, ginagamit para sa taonan na pagprusisyon sa ikatolong aldaw kan mga Ritos.[2]
Kafiestahan[baguhon | baguhon an source]
An kafiestahan kan Nuestra Señora de Salambáo iyong ika-19 nin Mayo, na iyo an huring aldaw nin sarong triduum na pag-onra kan katulohan nin mga santo. Lakop katakod kan triduum iyo an mga Rito, kaibahan nin mga Misa asin mga prusisyon kun saen magayagayang binabale kan kapwa babayi asin lalaking mga deboto an fandango sa pagngayo'-ngayo' na magkaigwa nin aki asin maray na pagbuhay sagkod ani. Minasentro an mga selebrasyon sa Simbahan nin Parokya nin San Pascual Baylón, na midbid man bilang National Shrine ni Nuestra Señora de la Inmaculada Concepcion de Salambáo sa Barangay Pag-asa, Obando, Bulacan.[1]
Taytay nin mga Ladawan[baguhon | baguhon an source]
-
Ladawan nin Nuestra Señora de Salambáo sa altar kan Simbahan nin Obando, napapag-ultan ni San Pascual sa too asin Sta. Clara sa wala. -
Prosesyonal na rebulto nin Nuestra Señora de Salambáo, na igwang tunay na salambáw -
Prosesyonal na rebulto nin Nuestra Señora de Salambáo na ginagamit sa Bayle sa Obando
Hilngon man[baguhon | baguhon an source]
- Bayle sa Obando
- Nuestra Señora de Camarin, sarong estatuwa na nakaukit sa Guam na nakua man nin parasira
- Nuestra Señora de Caysasay, na nakua man sa hikot nin sarong parasira
Toltolan[baguhon | baguhon an source]
- ↑ 1.0 1.1 "Philippine Festivals: StuartXchange". www.stuartxchange.org. Retrieved 2022-11-26.
- ↑ "Obando". www.seasite.niu.edu. Archived from the original on 6 October 2008. Retrieved 2022-11-26.
Mga pinaghalian[baguhon | baguhon an source]
- Philippine Fiestas & Festivals
- Obando Fertility Rites Archived 6 October 2008 at the Wayback Machine.
- Patron Saints of Fishing (sa Bunganut Lake Online) Archived 25 January 2007 at the Wayback Machine.
