Tunay na bilang

An mga tunay na bilang pwedeng mahiling bilang mga punto sa daeng-kasagkorang halabang linya nin mga numero

Sa matematika, an tunay na bilang o numerong tunay (Ingles: real number) iyo sarong bilang nin padagos na kantidad na pwedeng magrepresenta nin distansya sa linya (o suway, sarong kantidad na pwedeng maipresenta bilang sarong daeng-kasagkorang ekspansyon nin desimal). An pagsaladawang tunay sa konstekto iyo naiheras kaidtong ika-17 na siglo ni René Descartes, na piglain an tunay asin mga imahenaryong gamot nin polinomyal.

An mga tunay na bilang iyo kabali an gabos na rasyunal na bilang, arug kan integer na −5 asin praksyon na 4/3, sagkod an gabos na irasyunal na bilang, arug kan √2 (1.41421356..., an kwadradong gamot kan 2, na sarong irasyunal na alhebraikong numero). Kabali sa mga irasyunal iyo an mga tunay na transedental na bilang, arug kan π (3.14159265...). Dugang sa pagsukol kan distansya, an mga tunay na bilang pwedeng magamit sa pagsukol nin mga kantidad arug kan oras, masa, enerhiya, belosidad, asin iba pa. An grupo nin mga tunay na bilang iyo pigpapahiling gamit an simbolong R o $\mathbb {R}$ asin iyo minsan inaapod bilang "an mga tunay".

Panluwas na takod

• "Real number", Encyclopedia of Mathematics, EMS Press, 2001 [1994]