Olajumoke Adenowo
| Olajumoke Adenowo | |
|---|---|
 | |
| Kamundagan | Oktobre 16, 1968 Ibadan, Oyo State, Nigeria |
| Nasyunalidad | Nigerian |
| Edukasyon | BSc Hons Architecture [1988], Masters in Architecture [1991] sa Obafemi Awolowo University, Chief Executive Programme [CEP] Lagos Business School [2002] |
| Midbid bilang | Arkitekto |
| Agom | Olukorede Adenowo |
Si Olajumoke Olufunmilola Adenowo (namundag 16 Oktobre 1968) sarong Nigeryanong arkitekto. Siya napundar niya an sadiring kompanya sa arkitektura asin pagdedesenyo na an pangaran AD Consulting kan 1994.
Kaamayi nin buhay asin edukasyon[baguhon | baguhon an source]
An mga magurang ni Adenowo parfehas mga propesor, saro sa Historya asin an saro sa Kriminolohiya. Siya nagdakula asin nag'estar sa laog nin kampus sa Obafemi Awolowo University. Ining unibersiudad pigdesenyo ni arkitekto Arieh Sharon pag'ultan nin 1962 asin 1972. Palibhasa yaon sa laog kan unibersidad asin dara kan impluwensya duman, siya nagkaigwang liputok na interes sa arkitektura sa hubin pang edad.[1]
Kan edad 14 siya nag'enroll sa Obafemi Awolowo University asin naggradwar may degree sa Bachelor of Science with Honours sa Arkitektura sa edad na 19. Kan siya undergraduate pa, nangggana siya kan premyong Best Student Design.[2] Nakua niya an saiyang Master's of Science sa Arkitektura na may onra, sa parehong unibersidad kan 1991.[3][4]
Siya alumnus man kan Harvard Kennedy School (2019), kan Yale School of Management (2016), Lagos Business School Chief Executive Programme (2002) asin kan The IESE Business School sa University of Navarra sa Barcelona, Espanya (2005).
Si Adenowo sabi napukawan interes niya sa arkitektura kan saiyang mga pagbisita sa Paris asin sa Palais de Versailles kan aki pa siya, asin kan siya nag'eestar sa kampus kan Obafemi Awolowo University. An mga ini nagsabrit sa isip niya nin pilosopiya sa pagdesenyo - na an ubod kan leksyon naguno niya iyo na an pakinabang nin arkitektura dapat sensitibo sa klima, sa konteksto nin teknolohiya, impraestruktura asin pisikal na kamugtakan kan lugar.
Toltolan[baguhon | baguhon an source]
- ↑ "Arieh Sharon, University of Ife at Ife, Nigeria". li505-49.members.linode.com. Archived from the original on 2018-11-25. Retrieved 2022-03-29.
- ↑ "Speaker bio, Inspiring Change Conference". Inspiring Change conference. 2017. Archived from the original on March 11, 2017. Unknown parameter
|url-status=ignored (help) - ↑ "Adenowo: Branding Nigeria Through Architecture" Archived 2014-01-14 at the Wayback Machine., Sunday Magazine, The Guardian (Nigeria), 15 December 2013. Accessed 13 January 2013.
- ↑ "I love creating things, not just buildings", The Nation, 18 March 2012. Accessed 24 December 2012.
