Ombudsman kan Filipinas

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
An edipisyo kan Ombudsman kan Filipinas


An Ombudsman kan Filipinas, inaapod man na Tanodbayan ng Pilipinas, iyo an ombudsman[1] na responsable sa pagimbestigar siisayman na opisyal sa gobyerno nin Filipinas na pigsahotan na kaggibo nin mga krimen, orog na mga kabuktotan asin korupsyon sa mga gawe niyang konektado sa saiyang katongdan o opisyo.

Sa irarom kan 1987ng Konstitusyon kan Filipinas, asin sa ri'gon kan napalaman sa Akta Ombudsman nin 1989, an opisina kan Ombudsman nagsasadiring magmanman kan tolong sanga kan gobyerno sa pagsidsid kan anoman na mga gaweng korupsyon.

An Ombudsman iyo an tinokahan nanggad na magimbestigar sa sadiri niyang pag'onoy o huli sa reklamo nin sarong namamanwaan, sa anoman na porma o manera, anoman na akto, gawe-gawe, o pagpabaya, nin sarong opisyal o empleyado, kaiba idtong mga empleyado sa mga korporasyon na kontrolado o pagsasadiri kan gobyerno, na pighuhuna ilegal, may inhustisya, dai tama o dai toltol, o gaweng malinaw na inepisyente. Pakatapos kan imbestigasyon, kun nadadapat, an Ombudsman nasa'ngat nin kargo sa Sandiganbahyan, sarong espesyal na korte laban korupsyon.

An Opisina nin Ombudsman sakop pa mga opisinang katarakod igdi na binibilog nin Sheriff, katuwang na Ombudsman, asin anom na deputy na may kapot kan manlaenlaen na buro o dibisyon.

Mga Opisyal[liwaton | liwaton an gikanan]

An Ombudsman asin an saiyang mga sakop nombrado kan Presidente nin Filipinas asin pinipili sa listang dinuduhol kan Judicial and Bar Council para sa sararoan na termino. An Ombudsman pwede sanang haklason sa katongdan paagi nin impeachment.

Pangaran Katongdan
Conchita Carpio-Morales Tanodbayan (Ombudsman)
Melchor A. Carandang Katuwang na Ombudsman
Gerard A. Mosquera Deputy Ombudsman para sa Luzon
Paul Elmer M. Clemente Deputy Ombudsman para sa Visayas
Rodolfo M. Elman Deputy Ombudsman para sa Mindanao
Cyril E. Ramos Deputy Ombudsman para sa Militar asin Kapulisan
Melchor A. Carandang (Temporaryong nagpepwesto) Special Prosecutor

Nagsurunod na mga Ombudsman[liwaton | liwaton an gikanan]

Ombudsman Termino
Conrado M. Vasquez 1988–1995
Aniano A. Desierto 1995–2002
Simeon V. Marcelo 2002–2005
Ma. Merceditas N. Gutierrez 2005–2011[2]
Conchita Carpio-Morales 2011–presente

Toltolan[liwaton | liwaton an gikanan]