Openleaks

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
An logo kan Openleaks

An OpenLeaks sarong tagabuyagyag na websayt na ibinungsod kan Enero 2011. An katuyohan kaini iyo na magin ligtas asin bakong peligroso an pagbubuyagyag asin pagtutuga kan mga sensitibong impormasyon asin bareta; sa siring na sistema orog na madakul an mga parabuyagyag nin sekreto, mga bagay na pwedeng bakong etikal asin legal, na ginigibo sa laog kan mga gobyerno asin institusyon.

Agi-agi[liwaton | liwaton an gikanan]

An proyektong Openleaks pigtogdas kan Septyembre 2010. Sinasabi ni Domscheit-Berg , na dati saro sa katuwang ni Julian Assange sa Wikileaks, na an kaisipan sa proyektong Openleaks gibohon ini na mas silag sa mga transaksyon kumpara sa binayaan niyang Wikileaks. An lalawgon kan Openleaks dinadara nin duwang tagatolod kaini, si Daniel Domscheit-Berg asin si Herbert Snorrason na pareho imbwelto dati sa proyektong Wikileaks.http: [1]

Bulosan[liwaton | liwaton an gikanan]

An sistema sa Openleaks, imbes na ini mismo an magpublikar, an mga ibinuyagyag asin mga ipinasang dokumento sainda, sainda direktang ipapadara sa iba-ibang publikasyon asin mga tagabareta.[2]

Kan panahon na ini mamukna, an Wikileaks mismo nag'aatubang nin mga homa': an kagtogdas kaini na si Julian Assange inaresto huli sa akusasyon na nanlupig sa duwang babae sa Sweden; an mismong Wikileaks nasasakitan nang maghanap nin ligtas na DNS asin web hosting; asin dakul na mga kumpanya an nagbagat o nagpondo magpadara nin kwarta asin bayad sa sayt kan Wikileaks. Sabi ni Domscheit-Berg, sa saiyang mga enot na pahayag, linalaoman niya na an Openleaks malilihisan an mga problemang nasa'bitan kan Wikileaks ta ini masirbe sana man na ligtas na sarayan asin sagurong para sa mga parabuyagyag sa saindang mga sikretong ihinahayag, na pinapasa direkta sa prensa asin bako mismo sinda an mapublikar. An organisasyon daa tutuyohon na ipapadalagan sa demokratikong paagi, bako sanang sarong tawo o sarong sadit na grupo, an maboot. "An samong tinotonggo iyo na makatogdok nin pusog, asin silag na plataporma na masuporta sa mga tagabuyagyag, magin man sa teknolohiya o sa pulitika-, manta na inaagyat man an iba pa na magmukna nin mga siring na proyekto, " an tinaram nin sarong kabuwan sa grupo na habong magpabisto.[3].

Mga panluwas na takod[liwaton | liwaton an gikanan]

Toltolan[liwaton | liwaton an gikanan]

  1. //www.openleaks.org/content/about.shtml
  2. Greenberg, Andy, "WikiLeaks' Stepchildren", Forbes, 17 January 2011, p. 20.
  3. http://www.dn.se/nyheter/varlden/a-new-wikileaks-revolts-against-assange