Organo (biyolohiya)
| Organo | |
|---|---|
 Nagkapira sa mga panlaog na organo sa lawas nin tawo | |
| Mga detalye | |
| Sistema | Mga sistemang organo |
| Identifiers | |
| Griyego | Οργανο |
| FMA | 67498 |
| Anatomikal na terminolohiya | |
An organo (Ingles: organ) iyo sarong grupo nin mga tisyu na may kaparehas na mga paggana. An buhay kan tinanom asin hayop iyo nakadepende sa nagkapirang mga organo na iribanan sa sistemang organo.[1] Sa hirarkiya kan buhay, an mga organo iyo yaon sa tahaw nin tisyu asin sistemang organo. An tisyu iyo sarong organisasyonal na lebel sa tahaw nin mga selula asin organo. An tisyu iyo an kasararoan nin mga similar na selula asin an saindang ekstraselular na pagsararo hali sa kaparehas na ginikanan na minadara nin ispesipikong paggana. An mga organo iyo dagos namomokna nin mga grupo nin tisyu na minagana bilang saro. An duwa o mas dakol na organo na nagtatabangan sa sarong ispesipikong paggana iyo nagmomokna nin sarong sistemang organo, na inaapod man bilang sistemang biyolohikal o sistema nin lawas.
An mga organo iyo harus yaon sa mga multiselular na organismo. Sa mga sarong-selulang organismo arug kan bakterya, an kaparehas kan organi iyo bistado bilang organelo (organelle). Sa mga tinanom, igwa nin tolong panginot na organo.[2] An labot na organo iyo sarong panlaog na organo na minaporma nin labot na tubo, o kaagan arug kan tulak,intestino, o bladder.
Sa pag-aadal nin anatomiya, an terminong viscus iyo dapit sa panlaog na organo. An viscera iyo an darakulan na porma.[3][4]
An bilang nin organo sa maski anong organismo iyo depende sa kun ano an marhay na depinisyon sa termino an gagamiton. Sa sarong mahiwas na nagagamit na depinisyon, 79 na mga organo an nabibisto sa lawas nin tawo.[5]
Panluwas na takod
[baguhon | baguhon an source]
Igwang relatibong medya para sa Mga organo duman sa Wikimedia Commons
Toltolan
[baguhon | baguhon an source]- ↑ Widmaier, E P; Raff, H; Strang, KT (2014). Vander's Human Physiology (12th ed.). ISBN 978-0-07-128366-3.[nangangaipo nin pahina]
- ↑ "Botany/Plant structure - Wikibooks, open books for an open world". en.wikibooks.org (in English). Archived from the original on 2018-02-07. Retrieved 2018-02-06. Unknown parameter
|url-status=ignored (help) - ↑ "Viscus - Definition". Merriam-Webster Online Dictionary. Archived from the original on 13 July 2018. Retrieved 14 December 2009. Unknown parameter
|url-status=ignored (help) - ↑ "Viscera". MeSH. Archived from the original on 24 December 2013. Retrieved 14 December 2009. Unknown parameter
|url-status=ignored (help) - ↑ "New organ named in digestive system" (in en-GB). BBC News. 2017. https://www.bbc.com/news/health-38506708.
