PNR Bicol Commuter

Bicol Metro Rail Commuter
Overview
Tipo nin serbisyo	Riles pangkomyuter
Mahihiling	Calabarzon Bicol Region
Sinundan	Bicol Shuttle
Enot na serbisyo	Marso 1, 1977
Sa ngunyan na nagpapadalagan	Nasyunal na Agihang-riles kan Filipinas
Ruta
Poon sa	Tagkawayan
Sagkod	Legazpi
Linya na piggamit	Panginot na Linyang Pahabagatan
Teknikal
Piggamit na tren	Kiha 52 Series
Luwang kan agihang-riles	1,067 mm (3 ft 6 in)

An Bicol Metro Rail Commuter (BMRC) (pinali'pot bilang Bicol Commuter), saro serbisyo nin komyuter sa Rehiyon Bikol. Pinapadalagan ini kan Nasyunal na Agihang-riles kan Filipinas sa paagi kan mga istasyon sa Tagkawayan, Quezon, asin Legazpi, Albay, kaiba an Naga City sa Camarines Sur.

Historya

Ipigbusol an Bicol Commuter kadtong Marso 1, 1977 na igwang anom na biyahe sa tanga kan Ragay asin Naga, mga serbisyo sa Hondagu na nagpoon kan Abril 1.

Naibusol ini giraray kan Setyembre 16, 2009 sa panahon kan kapistahan ni Peñafrancia na igwang mga ruta na naglalayag sa Tagkawayan-Naga asin Tagkawayan-Ligao, pigbukasan giraray an ruta kan Naga-Legazpi kadtong Setyembre 18, 2015.

An mga ruta sa ngunyan sa pagpapadalagan iyo an Sipocot-Naga, Mantalisay-Naga, Naga-Legazpi asin kabaligtadan.

Suspende sa ngunyan an Naga-Legazpi nin huli ta sa kawa'ran nin pagpapadalagan kan mga tren.

Mga piggamit na tren

Naggagamit an Bicol Commuter nin nakamotor asin Trailer Cars (CMC / CTC) arog na sana kan Metro Manila Rail Commuter na igwang asul na atay, tanganing mabisto ini hali sa Manila base sa pagamit kan tren, ipinintura nin dilaw imbes na puti an pangenot na lawas kaini.

Nagresulta an pagtanggi kan mga serbisyo huli sa bilang kan magagamit na rolling stock sa kadakulaan na pag-scrap kan mga yunit na ini na kung sain nawalat an pira sa pag-ati sa Manila gikan pa kadtong huring parte kan 80s.

Sa ngunyan, an KiHa 52 series na kolor asul asin atay an solosolo ngunyan na piggamit kan Bicol Commuter.