Paghadok sa kamot

An Bise-Presidente kan Brazil na si José Alencar, pighahadokan an singsing sa toong kamot ni Kardinal José Freire Falcão

An paghadok sa kamot iyo an sarong ritwal kan pagbati asin pagtaong galang. Pigpupunan ini kan tawong taga-ako kan pagbati sa paagi kan pag-atubang kan kamot na nakababa an palad. An mahadok na tawo iyo an maduko na harani sa kamot asin iduduot an ngabil kaini mantang maingat na kakaptan an kamot. Dai kaipuhan na dumuot an mga ngabil sa modernong tradisyon, urog na sa pormal na kapalibotan na kun saen arin man na intimate o romantikong undertones pwedeng konsiderado na bakong matanos. An pagbating ini dai nahahaloy asin nagtatagal nin dai malabi sa sarong segundo.

Sa kulturang Pilipino, an paghadok sa kamot kan mga gurang nagsisimbolo nin pagtaong galang. Ini man iyo an piggagamit sa pagtaong galang sa mga gurang sa Turkey. Digdi, an nagbabati pigrarani an kamot na inabot sa saiyang angog.