Paghilono

Gikan sa Bikol Sentral na Wikipedia, an talingkas na ensiklopedya
Cicada, naghihilono
Hilonong payo kan rimoranon

An paghilono iyo an pagsangli kan sarong hayop kan kublit o patos kaini, o parte kan saiyang hawak, sa maninigong panahon o sa regular na termino kaini sa lawig kan saiyang buhay.

An paghilono pwede iyo an pagtukal o pagtangkas kan ibabaw na kublit o patos, o pwede man paagi nin pagrogon kan balukag o buhok (pagduro). Sa ibang hayop, arog kan mga insekto iyo an pagrikdag kan saindang pakpak o an paghulpos kan tibulaka o karakas siring kan sa mga ogama, kasag, o olahipan na anas an mga ini yaon napipisan sa inaapod na artropodo.

Sa mga gamgam

An mga gamgam kaipohan magsalida nin balukag niya nin bago naman ta an daan na mga balukag pwede garadan na o garasi-gasi na. Kaya ini sinasabing naduro. An mga gamgam nasangle nin balukag saro sa sarong taon alagad igwang mga gamgam duwang beses nagduduro sa laog kan taon. An pagduro bako man durungan ta kaipohan kan gamgam igwa man giraray tahob o patos sa pagmantenir nin tamang temperatura kan hawak asin paglaban sa pag'aalumahad. Pwedeng enot an mga buhok sa payo asin hawak an ipagduro, sunod naman an balukag sa pakpak asin sa lubot.[1][2]


Sa mga reptile


Sa mga reptile, an pinakakomun na paghihilonong nahihiling iyo an paghilono kan mga halas arog kan rimoranon, oro-odto, o alimbusogon. An paghilono ninda paagi nin pagguragod kan saindang makiskis na kublit sa anoman na matagas na bagay ngane an kublit na hunat magasi. Kun may baak na, sige an halas paguru-guragod sagkod na an sa may harani sa payo iyo an enot na nahulpos. Kaya an halas garo sana nahuros paluwas sa luma niyang kublit na ini nababaliktad, arog na gayo kan paghulbot kan bitis sa medyas na an sa irarom iyo na an sa ibabaw. An lono nawawalat bilog pa kaiba an mabaskog na parte kan sa payo, orog na ta kaipohan kan halas an marigmat na pirming paghiling. An sa mga tabili asin mga guto asin iba pang siring na hayop, kabtang kabtang daa an pighihilono bakong sarong bilog an hinuhuros.

Mga taytay na retrato[baguhon | baguhon an source]

Mga panluwas na takod[baguhon | baguhon an source]

Toltolan[baguhon | baguhon an source]


[[Kategorya: