Paka

Gikan sa Bikol Sentral na Wikipedia, an talingkas na ensiklopedya
May barian na takyag sa pakahan
Sa x-ray pinapahiling an bari kan tu'lang sa takyag

An paka iyo an paglalaban kan duwang tawo paagi pagpakusogan kan saindang takyag. Sa pagpatunay kun arin an mas makusog asin iyo an makakapatumba kan kalaban na takyag, an duwa nabalagbagan kan saindang takyag, na'ekisan, tinitiko mga siko kaini nakadoon sa lamesa asin an duwang kamaoo higot na magkatakmaan. An magkalaban, pareho pwersahan na pigkukusogan na mapatumba an takyag kan kalaban. An gana iyo idtong nakapukan asin napalakma an takyag kan kalaban, na nakababaw an saiyang kamot sa nadaog niya.

An pormal na pakahan asin ginigibo bilang kompetisyon saro nang isports na naglalakop luway-luway sa bilog na kinaban.[1]. Igdi sa Filipinas, an binibistong kampyon sa pakahan iyo si Mark Ben. [2]

Deskripsyon[baguhon | baguhon an source]

Magkapirang konsiderasyon an nangangawat sa panggana sa pakahan. Teknik asin kusog kan takyag iyo an duwang bagay na nataong bentahe sa kagkawat kaini. Siring man, dakulang bagay pa kun halaba an takyag, gadot an masel kan takyag, dakula an kamaoo na pangpugol, halawig o nakakatagal sa pwersahan na pagpatumbahan, asin iba pang katusohan sa pagkawat kaini. Sa pormal na patiribayan sa pakahan, an duwang magkalaban nakatindog, magkaatubang asin sa sarong sadit sanang lamesa an bwelong pagkawatan ninda nin pagpakahan. Parati pinapakaag sa likod an sa ibong na takyag ngane maliwanag an ikinukusog sana iyo idtong panlaban na kalamias.

An pakahan binabanga man sa mga magkapirang dibisyon: susog sa timbang kan magkalaban, walahan o toohan an partisipante, asin para sa may mga kakundian. Siring man, may mga kondisyon na pwedeng talang an paglaban ta kun hiniro an siko, nangenot na magpwersa, o magbutas sa pagkapugol nin kamaoo. An pagpakarhay man sa pagpugol sa kamaoo dai tinutugot na mahaloy na gayo o magsobrang sarong minuto ta sala sa reglamento an siring. .[3] Dai man daa nangangahulogan na dakulang tawo o mas pusog na takyag pirmi nang Magana. an tamang teknik, biglaan na paghiro, asin mahusay na estratehiya an mas importante ngane madaog an kalaban.[4]

An World Armwrestling Federation (WAF) iyo an binibistong naggogobernar sa inaapod na amateur arm wrestling competition na may 85 kaapil na mga nasyon.[5]

Karara'tan sa pagpaka[baguhon | baguhon an source]

Sa pakahan, an grabeng nasapo nin peligro nin pagkabari iyo an tu'lang (Ingles, humerus) sa bilibili (Ingles, forearm) ta yaon igdi an pwersa nin pagkusog asin may tendensyang magpiripit an takyag igdi.


Mga panluwas na takod[baguhon | baguhon an source]

  • [1] How to Win at Arms Wrestling]. Kinua 11-5-16.
  • [2]Arm-wrestling Videos]. Kinua 11-5-16.
  • [3]Going Over the Top: How To Dominate In Arm Wrestling. Kinua 11-5-16.

Toltolan[baguhon | baguhon an source]