Panaw

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Panaw sa likod
Panaw sa angog

An panaw (Ingles: mga whitespot; Tinea versicolor, Dermatomycosis furfuracea,[1] Pityriasis versicolor,[1] asin Tinea flava)[1]) sarong klaseng helang sa kublit na kawsa kan impeksyon nin sarong fungus.[2]

Mayoriya kan panaw kawsa kan fungus na Malassezia globosa, alagad an dikit na bilang nin kaso huli sa fungus na Malassezia furfur.[3]

Mga sintomas[liwaton | liwaton an gikanan]

Ini alagad nagdadakul pag an panahon maalingahot asin mainit dangan an kublit malana-lana. Mas nakukua ining magtalubo sa lugar na tropikal asin sub-tropikal asin an mas kinapitan kaini an mga hubin kun saen an saindang kublit halangkaw an produksyon nin asayti.

An panaw nabibisto kun an kublit may mga patse na diskolorado na naresulta sa kabang na kolor kan kublit, ini naggagatol asin nagkikiskis asin garo na may mga mapa-mapa.[4]

An mga patse pwedeng kolor puti, rosa, mala'tom o pwede man na mas mapu'saw o mas maitom kisa kan kolor sa palibot na kublit kaini. Ini komun na nakukua sa liog, daghan, likod asin sa mga takyag. Pwedeng kun tiglipot nawawara alagad narandan kun sobrang harasahas kan panahon.[5]

Bulong[liwaton | liwaton an gikanan]

Mga panlahid na anti-fungal na igwang sangkap na selenium sulfide iyo an rekomendadong bulong sa panaw. Ketoconazole, Nizoral ointment na may shampoo, pwede man ibulong. Linalahid ini aro-aldaw sa laog nin duwang semana. An hydrogen peroxide marayrahay man panlahid ta napara kan ibang sintomas o permanente nang nawawara an panaw. Ginagamit man an Clotrimazole na kasabay lahid kan selenium sulfide.[6]

Toltolan[liwaton | liwaton an gikanan]

  1. 1.0 1.1 1.2 Rapini, Ronald P.; Bolognia, Jean L.; Jorizzo, Joseph L. (2007). Dermatology: 2-Volume Set. St. Louis: Mosby. pp. Kabanata 76. ISBN 1-4160-2999-0. 
  2. [1]Tinea versicolor.
  3. [2]ON-linelibrary.wiley.com.
  4. [3]Tinea versicolor.
  5. [4] Tinea versiclor: Cause and symptoms.
  6. [5]Healthline.com.