Pancho Villa

Gikan sa Bikol Sentral na Wikipedia, an talingkas na ensiklopedya
Si Pancho Villa

Si Francisco Guilledo (Agosto 1, 1901 - Hulyo 14, 1925), na mas bantog sa bansag niyang Pancho Villa sarong Filipinong boksyador. Si Villa, na natindog sanang 5 piye y 1 pulgada, asin dai naglampas sa timbang na 114 libra (51k), nagsikat huli sa panggana niya kan titulo bilang kampyeon sa dibisyon na World Flyweight kan 1923, asin huli kaini naggono nin omaw komo "iyo an pinakamahusay na Asyanong boksyador sa historya nin boksing." [1] Sa kalawigan kan saiyang karera sa pagboboksing, 105 an nagin laban niya, 75 an saiyang ginana, sa 5 nadaog siya asin an 23 mayong desisyon. An karera niya totoo halipot sana ta sa edad na 23 nagadan siya sa impeksyon kan siya ginabotan nin ngipon.

Si Guilledo namundag sa Ilog, Negros Occidental, aki kan sarong katuwang nin sarong ranchero na linayasan an saiyang pamilya kan si Guilledo anom na bulan pa sana an edad. Nagdakula siya sa hasyenda nin sarong mayaman, nagtatabang sa ina niya sa pag'ataman nin mga kanding duman sa hasyenda.

Toltolan[baguhon | baguhon an source]

  1. IBHOF / Pancho Villa at www.ibhof.com

Mga panluwas na takod[baguhon | baguhon an source]