Panicuason Hot Spring Resort
An 'Panicuason Hot Spring Resort sarong resort namomogtak sa may pamitisan kan Bukid Isarog sakop kan barangay Panicuason, mga 15 kilometro an rayo sa siyudad nin Naga, Filipinas. An resort may mga kwartong turogan kun banggi, may jacuzzi, asin may tolong parigosan na iba-iba an init kan temperatura, an pinakamainit nag'abot 39 degree C. Igwa man ining swimming pool na simpleng malipot sana an tubig. An tubig igdi nagbubulos hale pa sa bukid kan Isarog.
An resort nagkaag naman kan inaapod na Nature Adventure Park kun saen igwang rappeling, wall climbing, asin zip line na pahurosan.
An sarong bagay sana ta palibhasa hayapit an dalan pabulasok pasiring mismo sa resort, dai pwede magdurungan an mga awto sa paglaog asin pagluwas. Totoo maladawan na husto an palibot sa resort, orog ta ini napapalibotan nin haros naglalangkaw na kagagapoan kan bukid na makahoy asin mabalagon. Huli gayod ta natatago kan bukid, mayong nalagbas na signal asin dai magamit igdi an mga cellphone.
Mga panluwas na takod[baguhon | baguhon an source]
- Opisyal na websayt kinua 09-04-13
- Mga rebyu kan resort kinua 09-04-13
