Pantawid Pamilyang Pilipino Program

Gikan sa Bikol Sentral na Wikipedia, an talingkas na ensiklopedya

An Pantawid Pamilyang Pilipino Program (Bikol: Pantulay na Programa para sa Filipinong Pamilya), midbid man sa apod na 4Ps asin dati inapod na Bangon Pamilyang Pilipino, sarong kondisyonal na pagwawaras kwarta na programa kan gobyerno nin Filipinas sa irarom kan Department of Social Welfare and Development.[1] Ini tinutuyong mapara' an makuring pagtios sa Filipinas paagi nin pagpupuhunan sa salud asin edukasyon urog na partikular sa mga edad 0–18.[2] Ini pigpanday nag'aayog sa mga programa kan mga nagpapagantad pa sanang mga nasyon arog kan Brazil (Bolsa Familia) asin Mehiko (Oportunidades).[3] An programang 4Ps nag'ooperar na sa 17 rona', 79 probinsya asin 1,484 na munisipalidad, saka 143 sa mga mayor na siyudad sinasakop an 4,090,667 na mga benepisaryo sa'kan Hunyo 25, 2014.

Kan Abril 2019, si Presidente Rodrigo Duterte nagpirma sa sarong ley na ginigibo nang institusyonal an programang 4P's nin pagwaras kwarta.[4][5]

Istruktura kan programa[baguhon | baguhon an source]

Katuyohan[baguhon | baguhon an source]

An programa nagpupuntok sa mga minasunod na katuyohan:

  1. Sosyal na pagpagantad: paagi nin pagpapusog kan kakayahan, an programa mapuputol an inter-henerasyon na siklo nin pagtios.
  2. Sosyal na pagsanggawad: pagwaras nin kwartang cash ngani makasumpay sa halipot na pangangaipo pinansyal kan mga benipisaryo.

Pagpapasakop sa programa[baguhon | baguhon an source]

An pinakapobre sa mga pobreng mga pamilya siring sa pagsiyasat sa 2003 Small Area Estimate (SAE) na ginuno sa National Statistical Coordination Board (NSCB) an sinasakop kan programa. An pinakatios pinipili paagi sa inapod na "proxy-means test".[6]Mga tandaan na ekonomiko arog kan pagsasadiri nin mga asset, tipo nin pagharongon, edukasyon kan namamayo sa pamilya, hanap-buhay kan pamilya asin an kakayahan sa pagdisponer nin tubig saka pasilidad sa sanitasyon iyo an mga proxy variable na maindikar kan kategorya ekonomiko kan pamilya.[7] Mga dugang pang rekisitos kan pagharongon iyo an kun igwang mga aki edad 0–14 asin kun may nagbabados na mga babae kan uminagi an pag'aadal. Mga aplikante dapat mag'uyon sa gabos na kondisyon ikinaag kan gobyerno ngani makalaog sa programa.[nangangaipo nin toltolan]

Mga panluwas na takod[baguhon | baguhon an source]

Toltolan[baguhon | baguhon an source]

  1. ↑ "Malacanang happy over success of Pantawid Pamilyang Pilipino Program". Manila Bulletin. Retrieved October 28, 2012. 
  2. ↑ "Conditional Cash Transfer (CCT) Philippines - Improving the Human Capital of the Poor (Pantawid Pamilyang Pilipino Program or 4Ps)" (PDF). Archived from the original (PDF) on August 10, 2013. Retrieved October 28, 2012. 
  3. ↑ Ambat, Ms. G.H.S. (ed.), "Policy Brief", Improving inclusiveness of growth through CCTs, S E N A T E E C O N O M I C P L A N N I N G O F F I C E 
  4. ↑ Reganit, Jose Cielito (May 30, 2019). "New 4Ps law boosts Duterte admin's anti-poverty efforts" (in en). Philippine News Agency. https://www.pna.gov.ph/articles/1071094. 
  5. ↑ Cruz, Maricel; Ramos-Araneta, Macon (May 23, 2019). "Duterte lauded for signing institutionalized 4Ps bill into law". Manila Standard. https://www.manilastandard.net/news/national/295482/duterte-lauded-for-signing-institutionalized-4ps-bill-into-law.html. 
  6. ↑ Grosh, Margaret E.; Baker, Judy L. (1995). Proxy Means Tests for Targeting Social Programs. doi:10.1596/0-8213-3313-5. ISBN 978-0-8213-3313-6. 
  7. ↑ "Philippine Poverty Microscopes: National Household Targeting System for Poverty Reduction (NHTS-PR) and Community Based Monitoring System (CBMS)". Archived from the original on November 1, 2012. Retrieved November 5, 2012.  Unknown parameter |url-status= ignored (help)
Kinua sa "https://bcl.wikipedia.org/w/index.php?title=Pantawid_Pamilyang_Pilipino_Program&oldid=262287"