Panyayari ngonyan/2012 Abril 17
Nagin matrayumpo an selebrasyon kan ika-2 taon na anibersaryo kan Parasurat Bikolnon, Inc. sa pangengenot kan presidenteng si Buboy Aguay asin pinagpartisiparan man kan mga minasurunod na mga miyembro na sinda Marissa Redburn, Irvin Sto. Tomas, Jerome Hipolito, Jusan Misolas, Gil L. Gregorio, Shiela Basbas na representado kan agom na si Fer Basbas, Kevin De Quiros, asin kan premyadong parasurat na si Jason Chancoco. Nag-arabot man an mga ganador kan Gawad Obrang Literaturang Bikolnon para sa bulan nin Abril 2012: Sa kategoryang Rawitdawit: Joemark Baynado (Pangenot na ganador), Estelito Jacob (Panduwa)asin Jusan Misolas (Pantolo); sa kategoryang osipon: Kurt Zepeda (Pangenot na ganador). Mayong nag-entra sa ibang kategorya.
An GAWAD OBRANG LITERATURANG BIKOLNON para sa Bulan na Mayo 2012 pormal ng ilinalarga puon ngunyan, Abril 18, 2012 hasta sa Mayo 5, 2012. [1]
An mga kategorya kan pagarayunan asin patiribayan nin obra iyo an mga minasunod:
- Rawitdawit (tula)
- Saysay (Sanaysay)
- Usipon Pan-aki ( Maikling kuwentong Pambata)
- Kontemporaryong Usipon ( maikling Kuwento)
