Paraataman alimbubuyog

Gikan sa Bikol Sentral na Wikipedia, an talingkas na ensiklopedya
Paraataman alimbubuyog
Paraataman sa sarong komersyal na palakaya

An paraataman alimbubuyog iyo idtong persona na nag'aataman nin mga alimbubuyog, idtong mga specie, na may pakinabang sa tawo. An inaataman nindang specie nin mga alimbubuyog idtong nagtatao nin tangguli, pollen, taro asin iba pang produktong nanginginabang an tawo. An mga alimbubuyog na ini na nakukua asin nagbubuhay igdi sa Filipinas iyo idtong lukot, ligwan, potyokan, asin iba pa, alagad dakul pang mga specie na inaataman man kan mga ibang paraataman sa iba-ibang nasyon. An ibang paraataman naataman kan layas na alimbubuyog na taboan sa palibot kan kudal bilang proteksyon asin pagdisganar sa mga para'bon huli ta an taboan mararang makasugod asin grabeng kulog an minamate kan natudok kaini.[1][2]

An alimbubuyog kadaklan nakakagibo nin tangguli, pollen, propolis, taro asin royal jelly mantang an ibang paraataman nagpapadakul nin mga "reyna" (paraaki) asin mga alimbubuyog mismo ta ipabakal an mga ini sa ibang paraoma o huli lamang nag'aalag kaini ta linga-lingaan. An iba nag'aataman ngane makataong polinasisayon sa pagpapabunga sa mga tinanom asin mga gulayon asin sa serbisyo ninda, sinda binabayaran. An iba talagang napadakul nin ataman para sa komersyal na produksyon.[3]

Kahulogan[baguhon | baguhon an source]

An mga paraataman inaapod man na paratangguli, apyarista, apikulturista,(hale sa Latin, apis, alimbubuyog). An paraataman nagpapadakul asin nagmamato kaini yaon sa anira, sa mga kahon-kahon, o anoman na kaka'gan. An mga alimbubuyog dai manso o garo asin ta pwedeng magluyap. An paraataman an saiya sanang kontrolado an estaran kaini, an anira o anoman na kagamitan alagad an mga alimbubuyog naglalayaw-layaw sa kahiwasan nin mga katatamnan sa paghanap kakanon pero pwede maghubong estaran. Totoo parati an mga ini nabaralik sa saindang erokan kun ini malinig, rinsay asin madiklom na pulian na natao sainda nin proteksyon.[4]

Toltolan[baguhon | baguhon an source]