Parvati

Gikan sa Bikol Sentral na Wikipedia, an talingkas na ensiklopedya
An diosang si Parvati kaiba an saiyang aki na si Ganesha

Si Parvati (Sanskrito: पार्वती, IAST: Pārvatī), Uma (Sanskrit: उमा, IAST: Umā) o Gauri (Sanskrit: गौरी, IAST: Gaurī) an Hindung diosa nin kapangyarihan, kosog, kakanon, pagkaoroyon, pagkamoot, kagayonan, debosyon, asin pagigin ina.

Siya sarong representasyon pisikal ni Mahadevi sa saiyang kompletong porma.[1][2] Pigrerespeto man siya sa saiyang itsura bilang Durga asin Kali.[3] Saro siya sa panginot na dios kan sektang nakasentro sa mga diosa na inaapod na Shaktismo, asin an panginot na diyosa sa Shaivism. Kaiba ni Lakshmi asin Saraswati, siya an nagbibilog kan Tridevi.[4]

Si Parvati an agom kan dios na Hindu na si Shiva. Siya an reenkarnasyon ni Sati, an inot na agom ni Shiva na nagmuno sa panahon nin yajna (fire-sacrifice). Si Parvati an aki kan hade sa bukid na si Himavan asin reyna Mena.[5] Si Parvati an ina kan mga Hindung Dios na si Ganesha asin Kartikeya. Nasambitan man siya sa Puranas na tugang kan diosa kan salog na si Ganga asin kan nagpepreserbar na dios na si Vishnu. Para sa mga Shaiva, siya ibinibilang na enerhiyang gikan sa Dios sa pag - oltanan nin lalaki asin babae, arog kan enerhiya ni Shiva asin Shakti.[6] Para sa mga Vaishnavites, siya respetado bilang si Vishnu Vilasini, o "siya na nag'eerok kay Vishnu," siring kan sabi sa Mahishasura Mardini Stotram.

Si Parvati sa pangkagabsan ilinaladawan bilang maboot, nag - aataman na inang diosa, alagad konektado man sa nagkapirang teribleng porma tanganing daogon an karatan asin mga demonyo arog ni Durga, Kali, an sampulong Mahavidyas asin Navadurgas.

Si Parvati an sarong embodimento nin Shakti. Sa Shaivismo, siya an nag - oorog na enerhiya asin kapangyarihan ni Shiva, asin siya an dahelan nin bogkos na nagtatakod sa gabos na persona asin sarong paagi kan saindang espiritwal na napagrelihir.[7][8] Midbid man siyang marhay bilang Kamarupa (saro na nagtatao nin korte sa pagmawot mo) asin Kameshwari (saro na nag-uutob kan gabos mong kamawutan). Sa mga templong Hindu na idinusay sa saiya asin kay Shiva, siya simbolikong irinerepresentar bilang an argha. Mahihiling siya sa mga suanoy na literaturang Indian, asin an saiyang mga estatwa asin mga templong ikonograpiyang Hindu sa bilog na Habagatan na Asya asin Sur-subangan na Asya.[9][10]

Toltolan[baguhon | baguhon an source]

  1. H.V. Dehejia, Parvati: Goddess of Love, Mapin, ISBN 978-8185822594
  2. James Hendershot, Penance, Trafford, ISBN 978-1490716749, pp 78
  3. Suresh Chandra (1998), Encyclopedia of Hindu Gods and Goddesses, ISBN 978-8176250399, pp 245–246
  4. Frithjof Schuon (2003), Roots of the Human Condition, ISBN 978-0941532372, pp 32
  5. H.V. Dehejia, Parvati: Goddess of Love, Mapin, ISBN 978-8185822594, pp 11
  6. book|last=Dalal|first=Roshen|url=https://books.google.com/books?id=DH0vmD8ghdMC&q=Smarta&pg=PA399%7Ctitle=Hinduism: An Alphabetical Guide|date=2010|publisher=Penguin Books India|isbn=978-0-14-341421-6|language=en}}
  7. Ananda Coomaraswamy, Saiva Sculptures, Museum of Fine Arts Bulletin, Vol. 20, No. 118 (Apr. 1922), pp 17
  8. Stella Kramrisch (1975), The Indian Great Goddess, History of Religions, Vol. 14, No. 4, pp. 261
  9. Hariani Santiko, The Goddess Durgā (warrior form of Parvati)in the East-Javanese Period, Asian Folklore Studies, Vol. 56, No. 2 (1997), pp. 209–226
  10. Ananda Coomaraswamy, Saiva Sculptures, Museum of Fine Arts Bulletin, Vol. 20, No. 118 (Apr. 1922), pp 15–24