Pascual Racuyal

Gikan sa Bikol Sentral na Wikipedia, an talingkas na ensiklopedya
Pascual Racuyal
Racuyal kan 1949
Kamundagan1911
Cebu City, Cebu, Insular Government of the Philippine Islands
Kagadanan2004 (aged 92–93)
NasyunalidadFilipino
TrabahoMekaniko
Midbid bilangPerming kandidato presidensyal
Political party
Independyente

Si Pascual B. Racuyal (1911, Tinago, Cebu City – 2004, Bulacan) sarong Filipinong eccentric[1] asin aspirante sa pwestong pagkapresidente nin Filipinas, na posikit magngata' sa pagkandadato sa pagkapresidente nagin nang uru-urulay nin banwaan. Si Racuyal pirming nangata' na magkandidato para presidente lambang eleksyon presidensyal sa Filipinas poon 1935 laban ki Manuel L. Quezon, Emilio Aguinaldo, asin Gregorio Aglipay[2] hanggan 1986 (laban ki Ferdinand Marcos asin Corazon Aquino).[3]

Buhay asin sa mga pagngata' sa karera politika[baguhon | baguhon an source]

Siya nagdakula sa Barangay Tinago nin Cebu City asin ta siya nagin mekaniko sa hubin pa sanang edad.[1] An dai masabotan na pagkapanatiko asin kusogboot an nagtolod saiya na magdalagan sa kandidatura nin pagkapresidente, na hasta ini nakaabot siyang Manila ngani makipag'asusangan asin makipagdebate sa mga prominenteng pigura sa politika asin nagin dayaday na pangising komedyante sa lambang eleksyon presidensyal.

Si Racuyal, sarong mekaniko o parapurot basura sa propesyonor,[4] asin dai lamang matutubdan na pigura politikal sa lawig kan saiyang buhay. An ultimong pagngata' niya sa pagkapresidente iyo kan 1986 asin nasubak kan an Commission on Elections pigdiskwalipikar siya komo "kandidatong sahong-sahong".[3]

TMay mga hapot mmanongod kan saiyang toltol na pag'iisip.[5][6] Sa saiyang mga promesa kun siya mapili niyo an pagpatugdok nin kalsada na gibo sa plastik ngani ini dai tolos magro'ro' sa kamugtakan.[1][7][8] Kan siya inalok si Manilang Alkalde Arsenio Lacson na magin katambal niya ma pagkandidato sa 1953 presidensyal na eleksyon, an huri nakataram na si Racuyal "sarong piksyon sana man, pantastikong pigura asin dai mapaniwalaan".[1] Maski siring, sa pag'agi nin panahon, an saiyang balik-balik na pagkandidato nagtao mnin pakonswelo asin nakapangising dibersyon sa parati mainit na atmospera sa tuyong mag'eeleksyon.

Si Racuyal nakalusot malista duwang beses sa balota. Kan 1935, nakasikwit siya nin 158 na boto o kulang pa sa 0.01% kan boto. Kan 1969, nakasikwit siya nin 778 na boto o mga 0.01% kan boto.

Si Racuyal nagadan kan 2004 sa Bulacan asin nalubong sa dai maaraman na lokasyon.[1]

Toltolan[baguhon | baguhon an source]

  1. ↑ 1.0 1.1 1.2 1.3 1.4 Ocampo, Ambeth R. (23 October 2015). "'President' Pascual Racuyal" (in en). Philippine Daily Inquirer. http://opinion.inquirer.net/89633/president-pascual-racuyal. Retrieved on 23 February 2020. 
  2. ↑ Pefianco, Romeo. "Commonwealth Election". Manila Bulletin. Archived from the original on 23 February 2020. https://web.archive.org/web/20200223040559/https://www.questia.com/read/1G1-113700140/commonwealth-election. Retrieved on 23 February 2020. 
  3. ↑ 3.0 3.1 Umali, Justin. "A Look into the Most Consequential Election in our History: the 1935 Presidential Elections". Esquiremag.ph. Retrieved 23 February 2020. 
  4. ↑ "IT'S NOT JUST A 2-WAY RACE". Chicago Tribune. https://www.chicagotribune.com/news/ct-xpm-1985-12-12-8503260038-story.html. Retrieved on 23 February 2020. 
  5. ↑ Philippines Free Press (in English). Free Press. 1969. 
  6. ↑ Agoncillo, Teodoro A. (1980). Ang Pilipinas at Ang Mga Pilipino: Noon at Ngayon (in Tagalog). R.P. Garcia Pub. Retrieved 23 February 2020. 
  7. ↑ McCoy, Alfred W. (2009). An Anarchy of Families: State and Family in the Philippines (in English). Univ of Wisconsin Press. ISBN 978-0-299-22984-9. Retrieved 23 February 2020. 
  8. ↑ Bionat, Marvin P. (1998). How to win (or lose) in Philippine elections: the dynamics of winning or losing in Philippine electoral contests (in English). Published and exclusively distributed by Anvil Pub. p. 18. ISBN 978-971-27-0719-3. Retrieved 23 February 2020. 

Mga panluwas na takod[baguhon | baguhon an source]

Plantilya:Philippines-politician-stub Plantilya:Candidates in the Philippine presidential election, 1935 Plantilya:Candidates in the Philippine presidential election, 1969

Kinua sa "https://bcl.wikipedia.org/w/index.php?title=Pascual_Racuyal&oldid=269771"