Pederalismo ng Dugong Dakilang Samahan

Si Greco Belgica (ikaduwa hali sa too), kaiba an iba pang mga opisyal kan PDDS, kan nagkua sinda nin akreditasyon para makadalagan sa eleksyon kan 2019.

An Pederalismo ng Dugong Dakilang Samahan (PDDS) iyo sarong nasyunal na politikal na partido sa Filipinas na pig-akreditado kan Komisyon sa Eleksyon (COMELEC) kan Ocktubre 30, 2018. Namokna ini ni Presidential Anti-Corruption (PACC) Chairman Greco Belgica. Sambit niya na an mga kaapil kaini an orihinal na parasunod kan presidente kan Filipinas na si Rodrigo Duterte kan pirilian para sa presidente kan 2016. An pangenot na pagbusol kan partido iyo an mai-aplikar an pederalismo sa Filipinas. An partido nagkua nin akreditasyon hali sa Komisyon sa Eleksyon ngantig makapadalagan sinda nin mga kandidato para sa tahaw na terminong eleksyon kan 2019.

Kan eleksyon 2019, an PDDS pigsuportahana an kandidatura kan nagligad na Special Assistant to the President Bong Go, na naggana bilang Senador kan 2019 Senatorial Elections. Si Eduardo Gadiano, an saindang kandidato para gobernador sa Occidental Mindoro an saidang pinakahalangkaw na nakatukaw na opisyal. An Munisipalidad kan Omar sa Sulu an may pinakadakol na bilang nin nangganang kandidato para sa PDDS na pigbibilog kan alkalde kan munisipyo, bise alkalde, asin an bilog na konseho kan munisipyo.

Panluwas na takod

• Pederalismo ng Dugong Dakilang Samahan sa Facebook