Pedro Bukaneg

Gikan sa Bikol Sentral na Wikipedia, an talingkas na ensiklopedya
Pedro Bukaneg
KamundaganMarch 1592
Kagadananc. 1630
TrabahoPararawit


Si Pedro Bukaneg (Marso 1592 – c. 1630) sarong Filipinong pararawit. Dati nang harap pagkamundag, siya an soboot autor kan epikong Ilokong Biag ni Lam-ang (Buhay ni Lam-ang). Siya an tinatampok na "Ama kan Literaturang Iloko". Sarong kalye sa laog kan Cultural Center of the Philippines (CCP) complex sa Siyudad nin Pasay, Filipinas, ipigngaran saiya sa pag'onra asin pagromdom sa saiya. An saiyang apelyido iyo an hinalean kan tataramon na Bukanegan, an Ilokong katumbas kan Tagalog na Balagtasan.

Si Bukaneg daa omboy na nakuang naglalataw-lataw nakakaag sa sarong basket sa Salog Banaoang. Sarong gurang na babae sinapod siya asin dinara siya sa pading Agostino na idto binunyagan siya sa pangaran na Pedro Bukaneg. Maski buta, siya nadiskubreng may talento asin dunong kaya sa mga Agostino siya nakanood nin Latin asin Espanyol, asin pati na an tataramon na Ilocano Isneg.

Biograpiya[baguhon | baguhon an source]

Huli ta tatao siya kan mga lenggwahe, si Bukaneg hinahagad an saiyang tabang sa pagpalis kan mga pangadyeon asin mga sermon na nakasurat sa Espanyol na saiyang ipinalis sa Iloko, palibhasa interesadong marhay an mga Espanyol na makasabot an mga tinubo kan mga tokdo dapit sa Kristiyandad. Alagad si Bukaneg nagsurat man nin mga rawitdawit asin mga kanta na nagustohan na gayo kan saiyang mga kahimanwa. Si Bukaneg man sinasabing parahula. Siring man siya katuwang na gayo sa pagbilog kan Arte de la Lengua Iloca na si Bro. Francisco Lopez daa an kaggibo asin pig-imprenta kan 1927 sa Unibersidad nin Santo Tomas.

Kan 1621, napaluwas an Doctrina Cristiana na pig'imprenta sa Kumbento Agostino kan Manila asin siya nabanggit na gayo na dakula an tabang niya sa pag-Iloko kaini.

Si Bukaneg nagadan kan taon 1630.

Ginunoan[baguhon | baguhon an source]

  • [1] Buhay ni Pedro Bukaneg. Kinua 24-03-18.

Toltolan[baguhon | baguhon an source]