Pedro Claver

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Si San Pedro Claver
Church of St. Peter Claver sa Cartagena, Colombia kun saen nag'estar asin nagministro si Claver

Si San Pedro Claver, S.J., (Espanyol: Pedro Claver y Corberó, Katalan: Pere Claver i Corberó) (26 Hunyo 1580 – 8 Septyembre 1654) sarong Hesuwitang Espanyol asin misyonerong namundag sa Verdú (Katalunya) na huli sa saiyang buhay asin trabaho nagin patrona nin mga oripon, patrona kan Republika nin Colombia asin ministro sa mga Aprikanong Amerikano. Sa 40 taon na pagmiministro, tinatanyang nakabunyag siya sa nag'aabot 300,000 katawo. Siya man patrona kan mga paralayag sa dagat. Siya an ladawan na gayo kan sinasabing Kristiyanong modelo nin pagkamoot asin pagpaorog sa deretsong pantawo, sa mga tios asin mga naapi. An Kongreso kan Republika nin Colombia pigdeklara an Septyembre 9 komo Human Rights national day sa pag'onra saiya.[1]

Uusipon[liwaton | liwaton an gikanan]

Aki nin sarong Katalan na parauma, si Claver namundag sa Verdu kan 1581. An ama niya iyo si Pedro Claver y Minguella, alkalde kan Verdu asin an ina niya iyo si Ana Corberó y Claver. Enot na tongtong niya sa pag'adal sa Unibersidad nin Barcelona. Sa edad na 20 luminaog siya sa noviciado nin Heswita sa Tarragona asin nag'adal siyang pilosopiya sa Majorca kan taon 1605. Duman pigparasonsonan siya kan sarong banal na si Alphonsus Rodriguez na magmisyon siya sa mga kolonya kan Espanya sa Amerika. Kinuyog niya an sonson kaini asin kan 1610 nagpasiring siya sa Cartagena na kun saen sa laog nin 44 taon siya nagin sarong Apostol sa mga oripon na itom. [2][3]

Toltolan[liwaton | liwaton an gikanan]

  1. [1]www.ignatianspirituality.com. Kinua 11-29-17
  2. [2] www.newadvent.org.Kinua 11-29-2017
  3. [3]www.crisismagazine.com. Kinua 11-29-17