Pencho Georgiev

Si Pencho Georgiev (Bulgaro: Пенчо Георгиев; 1 Pebrero 1900, Vratsa – 2 Abril 1940, Sofia) sarong Bulgarong pintor, scenographer asin ilustrador, orog na kan mga librong pan-aki.

Biograpiya[baguhon | baguhon an source]

An saiyang ama nagadan sa Enot na Gerang Balkan kan siya edad pa sanang 12. Pakatapos kan Enot na Gerang Pankinaban, siya naghubo' sa Sofia ta nag'adal sa arte saka sa crafts. Kan 1925, naggradwar siya sa National Academy na may degree sa "Applied and Decorative Arts" asin nagpoon magtrabaho bilang set designer.^[1] An enot niyang proyekto iyo an The Queen of Spades ki Tchaikovsky sa Sofia Opera. Siya duman nagduwang taon dangan naglipat sa State Theater (midbid sa apod na Dohodno Zdanie) sa Ruse.

Kan 1929, siya nag'isog sa Paris, kun saen kinokopya niya mga obra kan mga Old Masters manta nag'uukit siyang mga pandayon sa kahoy asin mga etchings.^[1] Ngapit siya nakipagtabangan sa pintor na Ruso na si Konstantin Korovin sa pagmukna nin mga dekorayon para sa produksyon nin magkapirang opera sa Ruso. Siya nag'estar sa Paris sagkod taon 1932.

Pagbalik niya sa Bulgaria, siya nagpoon mag'ilustrar nin mga libro asin pagdesensyo interior sa mga harong, kadungan pagtrabaho sa mga proyektong pampubliko, na siya nakamukna nin sobra sa treintang dekorasyon sa Opera asin sa Ivan Vazov National Theatre.^[1] An saiyang mga pintura kadaklan ginibo sa watercolor asin pastel. An saiyang mga ilustrasyon kabali an ginibo niya para sa mga obra ni Maxim Gorky napublikar sa Bulgaro. Siya nagpartisipar man sa dakul na mga eksibisyon, na an iba diyan sa Salon d'Automne asin sa Milan Triennale.

Kan 1940, urawang nagdedekorar sa Salammbô duman sa National Theater, siya napadarusay asin nahulog sa elevator shaft saka nagadan na padagos.^[1]