People Power Revolution

An People Power Revolution, midbid man bilang EDSA Revolution o an February Revolution, iyo an serye nin malakop na demonstrasyon sa Pilipinas poon kaidtong Pebrero 22 sagkod kan 25, 1986. Nagkaigwa nin danay na sibil na pagtumang kontra sa kaisogan asin pandadayang elektores kan rehimen. An muraway na pagtumang naggiya sa paghale ni Ferdinand Marcos, an katapusan kan saiyang 20-taon na diktadura asin an pagsulit kan demokrasya sa Pilipinas.

Midbid man ini sa ngarang "Yellow Revolution" nin huli sa kadaklan nin amarilyong laso na pigpatos taid sa Epifanio de los Santos Avenue (EDSA) bilang simbolong pamprotesta (gikan sa bantog na Kanong kanta na "Tie a Yellow Ribbon Round the Old Oak Tree," na an kagmukna iyo si Tony Orlando and Dawn) sa pagkagadanon ni Senador Benigno "Ninoy" Aquino Sr. kan 1983 durante si pagpuli niya sa Pilipinas haling destyero. Sa pankinabang talastas, binansagan ini na iyo an "pagtumang na sinusto kan kinaban."

An kadaklan kan demonstrasyon nangyari sa EDSA poon Pebrero 22 sagkod 25, 1986, na sumaro nin 2-milyong namamanwaang Pilipino, kaibanan nin mga dupil na militar asin pulitiko, lalong-lalo na sa banal na pinayo ni Kardinal Jaime Sin, an Arsobispo kan Maynila, asin an Radyo Veritasl; sinusog siya kang pambanwaang klero siring sa Catholic Bishops' Conference of the Philippines (CBCP) na pinayuhan ni Kardinal Ricardo Vidal, Arsobispo kan Cebu.

An pinadara kaning mga malakop na protesta, gikan sa tiniripong oposisyong pulitiko kontra sa mga Marcos asin an saindang partido, an pagtumba kan rehimeng Marcos, an pagdesteryo kan saiyang pamilya, mga kroni, asin mga alalay pa-Hawaii, asin an restorasyon nin demokrasya sa rahay kan pag-inagunar ni Presidente Corazon Aquino, an balo ni Senador Ninoy Aquino.

Ginikanan asin saysay

An Presidente kan Senado na si Ferdinand Marcos an piniling Presidente kan Pilipinas kan 1965, na duminaog sa kadtong Presidente Diosdado Macapagal asin an saiyang liniwat na dalagan para sa ika-duwang termino. Midbid an danay na hingkuaon ni Marcos sa saiyang proyektong pang-imprastraktura asin an pagkusog nin paningil nin buwis. Dawa sa mga akusasyong binangalibog kan balyong partido nin mga pamamakal nin boto asin pandadaya sa pilian, pinili liwat si Marcos, na duminaog sa kandidato kan Partido Liberal na si Sergio Osmeña Jr sa Piliang 1969.

An ika-duwang termino ni Marcos iyo an hinadian kan kadaklan asin an oposisyon na an mga Partido Liberal, na tinaidan pa nin mga balangibogang ruminaraot gikan sainda. An daing pantay-pantay na sukat kan banwaang Pilipinas sa panahong ini iyo an nag-ulakit sa kakusogang sibil asin kakusogang gobyerno.