Perin Jamsetjee Mistri

Gikan sa Bikol Sentral na Wikipedia, an talingkas na ensiklopedya

Si Perin Jamsetjee Mistri (1913 – 1989) iyo an pinakaenot na babaeng nakapasar bilang arkitekto sa Indya.

Kaamayi nin buhay asin pamilya[baguhon | baguhon an source]

Si Perin Jamshedji Mistri namundag sa sarong ilustradong Parsi'ng pamilya nin mga inhenyero asin mga nangengenot na paratugdok, na dati hale sa Navsari. An ama niya, sarong eminenteng arkitekto asin inhenyero, Jamshedji Pestonji Mistri, na nagtugdas kan kompanyang arkitektural na Mistri & Bhedwar (dangan nagin, Ditchburn, Mistri & Bhedwar), na siya an nagtugdok kan Art Deco Metro Cinema sa Marine Lines, an edipisyo kan HSBC na bangko Fort, an mga Colaba asin mga Cuffe Parade na riprap sa Dagat, an Taraporevala Mansion sa Cuffe Parade asin an enot na padalaganan kan Mumbai Airport. An hubin na tugang ni Perin Mistri, si arkitektong Minocher ‘Minoo’ Mistri, iyo an kagpundar kan publikasyon na Marg, sarong publikasyon dedikado sa arteng Indyano asin arkitektura.

Pakakua nin amay na edukasyon sa Gujarati sa Bombay, siya nagin interna sa Miss Kimmin’s High School sa Panchgani asin dangan naghubo' sa Inglaterra sa edad na 10, na natapos niya saiyang edukasyon sa Croydon High School.[1]Kan siya nagbalik sa Bombay, siya nag'enrol sa Sir Jamsetjee Jejeebhoy (J.J.) School of Art asin saiyang nakamit an saiyang diploma sa arkitektura kan 1936. Siya nagbali sa kompanya kan saiyang ama, sa M/s. Mistri and Bhedwar kan 1937, kun saen siya nagpraktis nin haros kabangang siglo bilang katuwang asin ta nagadan siya kan 1989.[2]

Karera[baguhon | baguhon an source]

Saro sa mayor na trabaho ni Perin, na parte man ngani kan didikit na dai napara', iyo an bungalow ni Sir Behramji Karanjia, an Art Deco bungalow sa Carmichael Road. Iba niyang mga trabaho mga edipisyong publiko, residensyal asin industryal, siring kan Khatau mills sa Borivali, asin an Simbahan ni San Esteban sa Cumballa Hill. Sa J.J, si Perin sinasabing nakipagdebate, "Kun an mga lalaki mapirit na magtrabaho sa pagsibot sa harong, sinda makakagamiaw na paglikay sa mga cornices, carved ornament asin mga iba pang pigtitiponan mga alpog, dakulang bagay na gayo." Kan 1936, kan napabareta na si Perin nakasikwit nin diploma sa gobyerno bilang arkitekto, siya na pinakaenot na babaeng nagin siring, sarong surat na anonimo nagpadara komento sa Times of India asin inomaw si Perin bilang sarong babaeng edad 23 anyos na nagkusog-boot "magluwas" sa saiyang harong para sa pakinabang kan mga kababaihan na an buhay yaon sana nauubos sa "laog" nin harong. "An sarong babaeng arkitekto dai masasala, syerto ko, na siring kan arkitekto kan naggibo kan samong edpisyo, na naghuna an mga pamilya nagpurundo nang magkaigwang mga umboy," surat kan anonimong kagharong, na dagdag pa niya an "mahal-mahal" na harong niya sa "primera-klaseng" subdibisyon mayo lamang maski saditon na beranda kun saen pwede magsablay asin magbalad kan mga bado nin mga aki. An enot na bungalow na ginibo ni Perin sa Carmichael Road kun saen ini may mga halakbang na beranda asin haralawig na mga balkonahe nagpaogma nanggad sa nasabing anonimong ina.[3]

Personal[baguhon | baguhon an source]

An mga interes ni Perin iyo an pagkawat nin piyano asin hockey, pagtatanom asin pag'adal sa mga halas sa Haffkine's institute sa Bombay. An naagom niya iyo idtong negosyanteng si Ardeshir Bhiwandiwalla asin nag'isog sinda sa Pali Hill duman sa Bandra.

Toltolan[baguhon | baguhon an source]

  1. "India's first woman architect – a tribute to Perin J. Mistri". Art Deco Mumbai. Retrieved March 9, 2022. 
  2. "Perin Mistri". Women in Architecture. Retrieved March 9, 2022. 
  3. Ram, Sharmila Ganesan. "How this woman architect made a room for herself in Mumbai". Times of India. Retrieved March 9, 2022.