Peripartum cardiomyopathy

Peripartum cardiomyopathy
Mga ibang pangaran	Post-partum cardiomyopathy
Espesyalidad	Obstetrics & Gynecology, Cardiology
Mga sintomas	orthopnea, hubagon na bukong-bukong o bitis, abo, pagkulog kan daghan, palpitations, fatigue
Mga komplikasyon	Thromboembolic events, Cardiogenic Shock
Harus na pag-epekto kan helang	Sa huring bulan kan pagbados o sagkod sa 5 bulan na postpartum
Kahaluyan	Manlaenlaen
Mga panganib	Edad para magin sarong ina 35+; halangkaw na presyon kan dugo; dakol na beses na pagbados
Diprensyal na diyagnosis	Takotsubo Cardiomyopathy, Familial Cardiomyopathy, Pre-existing Cardiomyopathy, Valvular Heart Disease, Congenital Heart Disease

An Peripartum cardiomyopathy (PPCM) iyo an sarong porma nin dilated cardiomyopathy na ilinadawan bilang sarong deterioration sa cardiac function nagpepresentar nin tipikal na sa pag-ultanan kan huring bulan nin pagbados asin sagkod sa anom na bulan nin postpartum. Pag-abot sa ibang mga porma kan dilated cardiomyopathy, an PPCM imbwelto an systolic dysfunction kan puso na igwa nin pagluya kan left ventricular ejection fraction (EF) na asosyado an congestive heart failure asin an pag-urog kan peligro kan atrial asin ventricular arrhythmias, thromboembolism (pag-ulang kan blood vessel sa paagi kan sarong blood clot), asin pati an sudden cardiac death. Sa esensya, an kalamnan kan puso dai maka-contract nin makusog tanganing makabomba nin maninigong dugo para sa pangangaipo kan mga vital organs kan hawak.

An PPCM iyo an sarong diagnosis kan exclusion, kun saen an mga pasyente mayo nin dating kasaysayan nin helang sa puso asin mayo nin ibang midbid na posibleng kawsa kan pagpalya kan puso. Piggagamit an Echocardiogram sa pag-diagnose asin pagmonitor kan pagigin epektibo kan pagbulong sa PPCM.

Mayong nakakaaram sa kawsa kan PPCM. Sa ngunyan, an mga parasaligsig nag-iimbestigar manongod sa cardiotropic viruses, autoimmunity o immune system dysfunction, ibang mga toxins na nagsisirbi bilang triggers sa immune system dysfunction, micronutrient o trace mineral deficiencies, asin genetics bilang mga posibleng components na minakontribwir sa o kawsa kan pag-urog kan PPCM. Igwa nin relasyon sa eclampsia asin hypertension durante kan pagbados.

Nagpopoon an proseso kan PPCM sa sarong dai naaraman na trigger (posibleng sarong cardiotropic virus o iba pang dai pa maidentipikar na catalyst) na nag-inisyar nin sarong prosesong paghubag sa puso. Bilang resulta, nadadanyaran an mga selula kan kalamnan kan puso; nagagadan an iba o nagigin tisyu nin peklat. Mayong abilidad na mag-contract an tisyu nin peklat; kaya baga, an pagigin epektibo kan aksyon nin pagbomba kan puso naiinaan. Siring man, an danyos sa cytoskeletal framework kan puso minakawsa nin pagdakula, nauunat o minaliwat an korte, siring man minaina an systolic function o output kan puso. An inisyal na prosesong paghubag minalataw tanganing magkawsa nin autoimmune o prosesong immune dysfunctional, na bilang balik pigpapadalagan an inisyal na prosesong paghubag. An padagos na pagkawara kan mga selula kan kalamnan kan puso minagiya sa piglalaoman na pagpalya kan puso.

Nagkaigwa nin dugang na pagsaligsig sa "toxic hormonal environment" na nangyayari sa huring kabtang kan pagbados bilang tagaambag sa pag-urog kan PPCM. An mga lebel nin Prolactin naglalangkaw durante kan huring kabtang kan pagbados asin sa 6 na semana sunod kan pagpangaki. An 16 kilodalton N-terminal fragment nin prolactin hormone nagkaigwa nin implikasyon na magkaigwa nin papel na magkawsa sa genetically susceptible mga indibidwal. Kaya baga, an therapeutic interventions na nag-uulang sa aagihan kan prolactin asin pig-iibitaran an pag-urog kan fragment na ini iyo an pig-iimbestigaran bilang potensyal na pagbulong tanganing pauntokon an pag-urog kan helang na PPCM.

An mga espesyal na konsiderasyon dapat na gibohon para sa delivery kapag an PPCM diagnosis ginibo bago mangaki. An koponan sa multi-disiplinaryo dapat na nagkatiripon kabali an mga eksperto sa obstetrics, cardiology, maternal fetal medicine, asin anesthesiology. An mga stable patients pwedeng mangaki vaginally basta igwa nin mga obstetrikong rason para sa cesarean section. An mga pagbalo tanganing iistabilisar an ina tanganing ma-delay an pangangaki asin ma-minimize an potensyal na mga komplikasyon kan premature birth iyo an sarong rasonableng estratehiya. Kasunod kan delivery, huli sa dugang sa venous return, nangangaipo an mga pasyente na igot na mamonitor para sa pagsupay kan pluwido asin pulmonary edema.