Peter Joseph Krahe
Si Peter Joseph Krahe (8 Abril 1758, Mannheim - 7 Oktobre 1840, Braunschweig) sarong arkitektong Aleman. Siya instrumental sa paghira kan mga lumang pader kan syudad asin mga kuta' kan Braunschweig na nangagin serye nin mga parke asin mga dayan-dayanan pampubliko.
Buhay
[baguhon | baguhon an source]Siya aki kan si bantogan na pintor historikal na si Lambert Krahe. Kan 1775, nagin siyang estudyante sa Kunstakademie Düsseldorf, na an saiyang ama nagtabang sa pagtogdas. Sa edad na 22, nagin siyang iyo an pinakahubin na propesor kan Akademya.[1] Huli sa sarong grant ni Elector Karl Theodor kan 1782,nakapasiring siya sa Roma na mag'adal. Pagbalik niya, nagpoon na saiyang magpraktis komo arkitekto. Mga taon 1785 asin 1786 nag'estar siya sa Italya kun saen siya nagin propesor honorario sa Accademia di Belle Arti di Firenze. An enot niyang proyekto sa arkitektura iyo an sarong teatro sa Koblenz, na pigkomisyon ni Elector Clemens Wenzeslaus nin Saxony asin nahaman kan 1787. Siya nanombrahan Direktor kan City Planning Board duman kan 1790, alagad an posisyon winara kan 1795 kan an lugar sinakop kan Hokbong Pranses. Dangan siya nag'aplay sa pwestong Court Architect sa Hanover, alagad ini sinakyada asin sinakop man kan Hokbong Pranses. Resulta kaini, napiritan siyang mag'ako kun ano-ano na sanang trabaho, maski ngane pagkolekta nin buhis.[1]
Mga babasahon
[baguhon | baguhon an source]- Reinhard Dorn: Peter Joseph Krahe.:
- Vol. 1 Studienjahre in Düsseldorf und Rom 1178-1786. Braunschweig 1969.
- Vol. 2 Bauten und Projekte in Düsseldorf, Koblenz, Hannover und Braunschweig 1787-1806. Braunschweig 1971.
- Vol 3 Bauten und Projekte im Königreich Westfalen und im Herzogtum Braunschweig 1808-1837. Edited by Elisabeth Spitzbart. Deutscher Kunstverlag, Munich, Berlin, 1999.
- Jürgen Hodemacher: Braunschweigs Straßen – ihre Namen und ihre Geschichten. Vol. 2: Zwischen Okergraben und Stadtring. Cremlingen 1996.
- Ulrich Knufinke, Simon Paulus: Peter Joseph Krahe. Wegweiser zum Klassizismus in Braunschweig und Umgebung. Braunschweig 2008.
Toltolan
[baguhon | baguhon an source]- ↑ 1.0 1.1 Reinhard Dorn (1980), "Krahe, Peter Joseph", Neue Deutsche Biographie (in German), 12, Berlin: Duncker & Humblot, pp. 658–659; (full text online)
