Phallus

An "lalaki sa bariles", o barrel man sa Ingles, na naggikan sa Filipinas na nagpapahiling nin sarong la'tog na putoy, kapag hinale an bariles na nakapalibot asin nagtatago nin kahubaan nin lalaki sa bariles.

An phallus iyo an sarong katagang Ingles, asin midbid sa Kastila bilang falo, na nagpapanongod sa la'tog na buto, sa sarong bagay na korteng putoy na siring kan dildo, o sarong mimetiko o inarog na imahen o ladawan nin sarong la'tog na putoy. Anuman na bagay na nagsisimbolo na kaagid nin sarong putoy mapupwede man na pagpanongdan bilang sarong phallus; alagad an siring na mga bagay mas parating nagpapanongod bilang phallic o "garo la'tog na putoy", siring kan paggamit sa Ingles na phallic symbol. An siring na mga simbolo parating nagrerepresentar sa mga kadamay o kasingkahulugan kan mabinaduson o pertilidad asin pangkultura na may kinaaraman sa organong sekswal kan mga lalaki.