Pili Festival

Gikan sa Bikol Sentral na Wikipedia, an talingkas na ensiklopedya

An Pili Festival[1] iyo an kapiyestahan na rinorokyaw sa syudad kan Sorsogon poon Hunyo 20 abot 29[2] sa pagpahayag nin kaogmahan asin pagtaong doon sa hanapbuhay kan mga Sorsogueño orog na idtong nasesentro sa industriya nin pilihan igdi sa probinsya kaini. Natapos ini Hunyo 29 tongod sa piyesta kan saindang patrona na iyo sa San Pedro asin San Pablo.

An tampok sa kapiyestahan iyo an sinasabing Tiriladan sa Dalan kun saen rinibong tawo an natilad nin kalalagtingan sa tahaw kan tinampo sa pagrokyaw nin kaogmahan asin kasanggayahan, na pinapaheling na sararo an mga taga-Sorsogon sa boot asin sa puso sa saindang kultura asin hanapbuhay.

Igdi sa Bicol, asin sa enterong hiwas kan Filipinas mananggad, Sorsogon (1996) an may pinakang mahiwas na tanoman nin pili (669 ektarya), sunod an Albay (145 ektarya), sunod an Camarines Sur (100 ektarya), sunod Camarines Norte (50 ektarya) asin kaporet an Catanduanes (4 na ektarya). Matanos lang na an probinsyang ini maglaki-laki kan saiyang rekord sa pagpalakop, pag'ataman kan magayon asin mapakinabang na tinanom na ini.

Hilnga Man[baguhon | baguhon an source]

  • Paliwanag manongod sa kahoy na Pili

Toltolan[baguhon | baguhon an source]

  1. Pili Festival
  2. BICOL FESTIVALS Official website of City of Naga

Mga Panluwas na Takod[baguhon | baguhon an source]