Pol Pot

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
Si Pol Pot
Lagdoan na lubongan nadukayan sa Choeung Ek
Mga bungo nakotkot sa linubongan sa Choeung Ek

Si Pol Pot (Khmer: ប៉ុល ពត; Mayo 19, 1925 – Abril 15,1998),[1] namundag Saloth Sar (Khmer: សាឡុត ស)), sarong Kambodyanong rebolusyunaryo na namoon sa Khmer Rouge[2] poon 1963 abot 1997. Poon 1963 sundo 1981, nagserbi siyang Sekretaryo Heneral kan Partido Komunista kan Kampuchea.[3] Resulta kaini, siya an nagin lider kan Kambodya poon Abril 17, 1975 kan an pwersa niya nasakop an Phnom Penh. Poon man 1976 abot 1979, siya nagserbi man primer ministro kan Demokratikong Kampuchea.

An saiyang pamomoon sa Kambodya bantog sa maringis na pagtrato sa sadiri niyang kahimanwa mala ta sinasabing napagadan niya an haros 25% kan populasyon sa kun ano-anong rason. Sa saiyang liderato, hinale niya an pagtubod sa diyos, pribadong pagsasadiri nin daga asin poder pulitika itinipon sana sa liderato sentral.[4]

si Pol Pot naghasok nin sarong lubos na diktadurya na kun saen an mga nag'eestar sa mga lugar na urban hinakot asin pinaestar sa mga pwera asin pinatrabaho sa mga umang pagsasadiri nin kagabsan na pinapadalagan kan gobyerno, asin inuuripon pa sa mga proyektong pampubliko. Sa saiyang liderato, ginagaom na huli sa mga daing-herak na pagpagadan sa mga kalaban pulitika, sa malnutrisyon, asin daing toltol na pag'asikaso medikal kan populasyon, tinataya na ini nagkawsa nin pagkagadan nin poon sarong milyon abot tolong milyon na namamanwaan sa bilang nin walong milyon na residente sa nasyon.[5]

Kam 1979, pakadaog kan gobyerno Khmer Rouge sa gera laban sa Biyetnam kan an huri linusob an nasyon na Kambodya, ta tuyo siyang pinatalsik sa poder, si Pol Pot nag'atras sa kakadlaganan kan Habagatan-Solnopan nin Kambodya, harani sa pagdolonan kan Tailandya.[6]. Poon 1979 abot 1997, siya asin an saiyang mga natatadang kakampi sa Khmer Rouge aktibo pang naghihiro sa pag'ultan kan Kamboya asin Tailandya, asin binibisto pang iyo an gobyernong legal kan United Nations. Si Pol Pot nagadan kan 1998 manta na yaon sa pagka'aresto kan paksyon ni Ta Mok sa Khmer Rouge. Poon kan saiyang pagkagadan, dakul an huringhuding naglakop na siya naghugot o tuyong hinilo.[7]

Mga panluwas na takod[liwaton | liwaton an gikanan]

  • [1]Buhay niya, pabisto kan BBC. Kinua 14-06-15.
  • [2] Pol Pot Captured, But where is He? Kinua 14-06-15.

Toltolan[liwaton | liwaton an gikanan]

  1. http://www.bbc.co.uk/history/historic_figures/pot_pol.shtml. Kinua 14.06.15
  2. "Red Khmer," hale sa Pranses na rouge "red" (simbolo nin sosyalismo) ) asin Khmer, an termino para sa etnikong Kambodyano.
  3. "Vietnam Since the Fall of Saigon," by William Duiker, Updated Edition, p. 133.
  4. http://www.paulbogdanor.com/left/cambodia/locard.pdf Kinua 14-06-15
  5. ibid.
  6. http://www.edwebproject.org/sideshow/khmeryears/fall.html Kinua 14-06-15
  7. http://edition.cnn.com/WORLD/9706/21/pol.pot/index.html?_s=PM:WORLD Kinua 14-06-15