Prostitusyon

Gikan sa Bikol Sentral na Wikipedia, an talingkas na ensiklopedya
Sarong pintura nagmomostra kan pampaman sa Pompeii
Sarong pintura sa sarong antigong Griyegong kopa pinapahiling an sarong pampam sa akto
     Prostitusyon legal pero dai toltol pag'atom kaini      Prostitusyon legal, pinapabayaan sana. Organisadong mga aktibidad arog kan
          mga putariya asin pagbugaw ilegal
     Prostitusyon bakong legal      Mayong datos

An prostitusyon iyo an pagbebenta nin hawak o kaogmahan na sekswal sa lalaki o sa babae man na pwede masabing sarong papanay (tomboy)[1] Pwede man masabi ini sa pagbenta nin sarong lalaki o bakla nin siring na kaugmahan sa kapwa bakla o sa sarong lalake. Ini ginigibo sa tuyong makakua nin pakinabang sa paagi nin pagbayad sa kaggibo kaini asin inaapod man ining seks na komersyal.

An sarong persona na naggigibo nin siring naaapod na pampam, puta, putating, patira, "pokpok" sa modernong pagtataram o "tataret" sa lumang bikol o "parabenta nin laman", o inaapod man na "mga salampating hababang lupad". An kamugtakan legal kan siring na praktis iba-iba sa manlaenlaen na nasyon, o maski ngane sa laog nin sarong estado nag'iiba an ley sa lambang rona sa laog kan nasabing estado. Pwede ini tinutugot saka pinapabayaan sana, o saro ining krimen na binabantayan na gayo o dai pigrereparo sana, o sarong propesyon na tinutugot asin grabe an pag'ataman ngane dai makadarang ratak sa sosyedad. Ini inaapod man daang "pinakagurang na propesyon sa kinaban". Ginagaom na an ganansya sa siring na negosyong prostitusyon sa bilog na kinaban maabot lampas $186 na bilyon. Tinatanya man na lampas 13.8 milyon an yaon sa negosyong pagpapampam.[2]

Mga tipo nin pagbebenta[baguhon | baguhon an source]

Sa tinampo[baguhon | baguhon an source]

An pagbebenta kan laman magkapira an praktis. An ibang babae natindog sana sa sarong gilid o kanto sa sarong distrito komersyal sa tuyong pagdulok o pag'apod nin posibleng kustomer.

Paagi nin internet[baguhon | baguhon an source]

An modernong paagi na iyo an pagkua nin kustomer paagi sa telepono o sa internet o pagkaag nin websayt kun saen ipigbabalangibog ninda an saindang serbisyo. Igdi pwede man mangyari na sa webcam nagpapadalan an sarong babae asin kaogmahan sana an pagsi'rip kan akto, o pwede man an paghiringhingan asin pagdalan-dalan kan "nakakawiling" mga tagbo' na napukaw sa girok nin laman (kiri) paagi nin webcam.

Pampaman[baguhon | baguhon an source]

An dakul na praktis iyo an pagkaag nin sarong putariya kun saen natitipon an mga pokpok asin dinudumanan kan mga naghahanap nin kaogmahan sa laman.

Eskort sagin[baguhon | baguhon an source]

Sa iba man taktika na garo dai parisa, iyo an pagtatangro sagin nin "social guide" o "escort" na ma'iba sa sarong turista o parabyahe sa sarong lugar sa pagpasyar-pasyar alagad kaiba na sa presyo an pagtaong kaogmahan sa pagdururugan o pagseks.

Turismong seks[baguhon | baguhon an source]

Nag'uuso naman an pag'organisar nin mga turista na an talagang tuyo iyo an pagdayo sa sarong lugar sa paghanap nin sayod na kaogmahan sa seks asin ini organisado na asin may naghahalat na sa lugar na dinadayo an mga tagabenta kan siring na kaogmahan.

Kahaditan sa industriya nin seks[baguhon | baguhon an source]

An mayor na kahandalan sa siring na negosyo iyo an paglakop nin mga "helang nin babae" o mga helang dara nin pagseks arog kan "gonorrhea", "syphilis" o mas makuri, an HIV o padagos na nahuros sa sinasabing "AIDS", na mayo pang bulong. An pag'uulakit dipisil masusog ta bihira an makaisi tolos kun may dara nin siring na helang orog na kun dai tolos na naluwas an mga sintomas.

An pagbangga kan paglakop kan mga siring iyo an paggamit kuta nin "condom" ngane daing kontak sa mga wisik sa laog kan organo alagad, dakul an habo maggamit kaini ta naiinaan an girok daa.

Mga panluwas na takod[baguhon | baguhon an source]

  • [2] Kastigohon an kliyente, bako an parapampam. Kinua 17-07-15.
  • [3] A brief cultural history of sex. Kinua 17-07-15.
  • [4] Teenage prosititution case shocks China. Kinua 17-07-15.

Toltolan[baguhon | baguhon an source]

  1. [1]papanay. Vocabulario de la lengua bicol. p. 277. Kinua 12-07-17
  2. http://www.havocscope.com/prostitution-statistics/[permanent dead link] Kinua 17-07-15