Jump to content

Rachel Abbott

Gikan sa Bikol Sentral na Wikipedia, an talingkas na ensiklopedya
Rachel Abbott
MinundaganSheila Rodgers
1952 (edad 71–72)
Manchester, England
AlyasRachel Abbott
KasibotanParasurat
NasyunalidadBritish
Panahon2011–present
GenreFiction, crime, thriller
Bantog na giboOnly the Innocent
Sleep Tight
Website
www.rachel-abbott.com

Si Rachel Abbott (an pangaran na panurat ni Sheila Rodgers, namundag kan 1952)[1] sarong Briton na awtor kan psychological thrillers. Sarong self-publisher, an primero niyang 7 nobela pinagsararo nganing makapabakal nin lampas na 3 milyon na kopya,[2] asin nagin bestseller sa Kindle store sa Amazon.[3] Kan 2015, nagin siyang ika-katorseng pinakamatibay na awtor sa laog nin lampas limang taon sa Amazon Kindle sa United Kingdom.[4]

Agi-agi

[baguhon | baguhon an source]

Nagdakula si Abbott harani sa Manchester, England.[5] Nagtatrabaho siya bilang sarong systems analyst, asin pagkatapos nagtugdok nin interactive media company kun sain ginigibo an software asin website para sa education market. Ipinabakal niya an saiyang kompanya sa kantidad na £5 milyones kan 2000. Pakapabakal, naglipat siya hali sa Lancashire, England pasiring sa Italy kun sain pinakarhay niya asin kan saiyang agom an 15 siglo nang monasteryo sa Italy asin ginibo ining sarong lugar na pinagkukundesiran kan mga kasal asin kan iba pang okasyon.[6]

Karera

[baguhon | baguhon an source]

Kan 2009, nag-desisyon si Abbott na magsurat nin libro.[5] Inabot nin dese-otsong (18) bulan bago nakagibo si Abbott kan saiyang primerong draft. Kan Nobyembre 2011, matapos habuan ini kan ibang ahensya kan literatura, 59 anyos siya kan nag-publikar siya kan primero niyang nobela na Only the Innocent sa Amazon gamit an saiyang gaha. An nobela naabot an ika-primerong pwesto sa Kindle Best Seller chart kan Pebrero 2012, asin pirming nakakaiba sa listahan kan mga bestseller sa Amazon.co.uk.[7]

Sinundan ini ni Abbott kan Only the Innocent kan 2013 kaibahan an The Back Road asin kan 2014 an Sleep Tight. An ika-apat niyang nobela na Stranger Child isina-publikar kan Pebrero 24, 2015. Sa dai kahaluyan sa parehong taon, isina-publikar man niya an nobelang Nowhere Child, kun sain igwa ining parehong karakter sa Stranger Child. Kan 2016, iniluwas niya an ika-anom niyang nobela na Kill Me Again. An saiyang limang nobela asin nobelya manungod sa relasyon asin krimen, asin tampok an parehong detective na si Chief Inspector Tom Douglas. Iniladawan ni Abbott an karakter niya bilang sarong tunay asin sinsero asin marhay na lalaking nagkakagusto samga salang babae.

Sa pakikipagtrabaho sa sarong ahente puon kan 2012, nag-publikar siya sa UK sa paagi kan sarong publisher sa North America.[8] An saiyang libro isinalin sa pitong lengwahe.[9]

Sa taong 2015, an primerong tolong (3) nobela ni Abbott na isina-publiko sa UK, kaibahan an primerong duwang isina-publiko ni Thomas & Mercer sa US, nakapabakal nin sarong milyong kopya kan pinagsaro. An tolong nobela nagin bestseller sa Kiddie store kan Amazon. Sa bulan nin Marso 2016, nakapabakal siya nin duwang milyong libro. Kan 2015, pinangaranan si Abbott na pinakapopular na independienteng naipublikar na awtor kan Amazon sa UK;[10] siya an numero-unong e-book seller sa pagsurat nin mga manungod sa krimen asin nakakahandal na istorya.[11] Kan 2015, pinangaranan siyang ika-katorseng bestselling author kan Kindle sa Amazon UK, pagkatapos kan enot na pag-publikar kan 2011. Sa taon na 2015 (mga Agosto), an Stranger Child an pinaka-sinusubling libro hali sa Lending Library service kan Kindle Owners sa Amazon UK, asin ika-onse sa listahan kan best-selling eBooks kan 2015 sa Amazon UK.

Kan 2017, inapod siyang "Queen of the twisted suspense novel" kan The Express.[12] Sa parehong taon, kasunod kan limang paaging auction, nag-pirma si Abbott sa sarong two-book deal sa Headline Publishing Group nganing magin "hybrid author". An inot na libro sa napagkasunduan iyo an And So It Begins, sarong psychological thriller na naghahapot kun igwa pa kaya nin tamang depensa sa pan-gagadan.

Ipinabisto kaini an bagong karakter na si Sergeant Stephanie King, asin nai-publikar kan 2018.[13]

Naimbitaran si Abbott na magin judge para sa 2017 Kindle Storyteller Award kan Amazon kaibahan an modelo asin aktres na si Lily Cole asin an nag-mukna kan Alliance of Independent Authors na si Orna Ross.[14]

Kan 2018, naisa-publikar ni Abbott an saiyang ika-pitong nobela, an Come A Little Closer.[15]

Personal na buhay

[baguhon | baguhon an source]

Si Abbot asin an saiyang agom binabanga-banga an oras sa rehiyon kan Le Marche sa Italy asin sa Isla kan Alderney, saro sa mga Channel Islands.

Bibliograpiya

[baguhon | baguhon an source]
Title Publisher Publication date ISBN
Only the Innocent Thomas & Mercer / Black Dot Publishing 15 November 2011 ISBN 978-0-9576522-1-7
The Back Road Thomas & Mercer / Black Dot Publishing 3 March 2013 ISBN 978-0-9576522-0-0
Sleep Tight Black Dot Publishing 24 February 2014 ISBN 978-0-9576522-3-1
Stranger Child Black Dot Publishing 24 February 2015 ISBN 978-0-9576522-4-8
Nowhere Child (novella) Black Dot Publishing 29 October 2015 ISBN 978-0957652255
Kill Me Again Black Dot Publishing 17 February 2016 ISBN 978-0957652262
The Sixth Window Black Dot Publishing 21 February 2017 ISBN 978-0957652286
Come a Little Closer Black Dot Publishing 13 February 2018 ISBN 978-1999943707
And So It Begins Wildfire 15 November 2018 ISBN 978-1472254894
The Shape of Lies Black Dot Publishing 12 February 2019 ISBN 978-1999943721
Right Behind You Black Dot Publishing 16 January 2020 ISBN 978-1999943738

Tolotolan

[baguhon | baguhon an source]
  1. ↑ Fred Redwood, “Ruined monastery was just what we’d been praying for! And after £1m rescue mission, it’s a stunning home with its own golf course,” The Daily Mail, March 21, 2015.
  2. ↑ "Sleep apnoea: 'Doctors told me I hadn't slept for 10 years'". Retrieved 9 October 2018. 
  3. ↑ Dalya Alberge, “Crime writer hits killer 1m sales – with no publisher,” The Sunday Times, February 8, 2015.
  4. ↑ Hannah Furness, "Retiree who wrote novel for fun joins world-famous authors on bestseller list," The Daily Telegraph, August 5, 2015.
  5. ↑ 5.0 5.1 "Contemporary Authors Online". Gale. 2014. 
  6. ↑ Fred Redwood, “Ruined monastery was just what we’d been praying for! And after £1m rescue mission, it’s a stunning home with its own golf course,” The Daily Mail, March 21, 2015.
  7. ↑ https://www.thebookseller.com/news/el-james-tops-five-year-amazon-kindle-chart-308864
  8. ↑ “Rachel Abbott: ‘Self-publishing means the success of my books is entirely down to me,” The Guardian, July 2, 2013.
  9. ↑ “Bestselling writer in Alderney celebrates fourth novel,” ITV Report, February 24, 2015.
  10. ↑ Alison Flood, "Kindle turns five: independent women thrive in ebook bestseller charts," The Guardian, August 5, 2015.
  11. ↑ “Bestselling writer in Alderney celebrates fourth novel,” ITV Report, February 24, 2015.
  12. ↑ "Rachel Abbott reveals how she wrote a best-selling novel while trapped in a SNOW STORM". Retrieved 21 March 2017. 
  13. ↑ "Abbott goes hybrid for Headline". Retrieved 9 October 2018. 
  14. ↑ "Lily Cole joins Amazon's Kindle Stoyteller Award judging panel". Retrieved 9 October 2018. 
  15. ↑ "COME A LITTLE CLOSER". Retrieved 9 October 2018. 

Panluwas na kasugpon

[baguhon | baguhon an source]
Kinua sa "https://bcl.wikipedia.org/w/index.php?title=Rachel_Abbott&oldid=274040"