Rama Navami

Gikan sa Bikol Sentral na Wikipedia, an talingkas na ensiklopedya
Sinasamba si Rama kaiba an saiyang konsorte na si Sita asin an saiyang tugang na lalake na si Lakshmana sa Rama Navami

Si Rama Navami (Sanskrito: राम नवमी, romanisado: Rāmanavaramī) sarong kapiyestahan na Hindu na sineselebrar an pagkamundag ni Rama, an ikapitong avatar kan dios na si Vishnu, ki Hadeng Dasharatha asin Reyna Kausalya sa Ayodhya, Kosala.[1] An kapiyestahan na ini kabtang kan Chaitra Navaratri sa burabod, asin namogtak sa ikasiyam na aldaw kan maliwanag na kabangaan (Shukla Paksha) kan siklong lunar kan Chaitra (March-Abril), an enot na bulan sa kalendaryong Hindu.[2] An Rama Navami sarong opsyonal na piyesta para sa mga empleyado sa gobyerno sa India.

An aldaw minamarkahan sa paagi kan pagsambit hale sa Hindung epiko na Ramayana na nakasaysay sa usipon ni Rama.[3] Sineselebrar kan mga Vaishnava Hindu an kapiestahan sa paagi kan pagbisita sa mga templo, pamimibi, pag-ayuno, paghinanyog sa espiritwal na mga pahayag asin pag-awit nin mga bhajan o kirtans (mga awit na debosyonal).[2][4] An nagkapirang deboto nagdodolot nin pagsamba ki Rama siring sa omboy sa paagi kan pagbugtak sa saiya nin ladawan.[3] Inorganisar man an mahalagang mga okasyon asin pagkakan kan komunidad. An kapiestahan sarong okasyon para sa moral na paghorophorop para sa dakol na Hindu.[5]

An importanteng mga selebrasyon sa aldaw na ini nangyayari sa Ayodhya asin sa kadakol na templo na Rama sa bilog na India. Ratha yatras (mga prosesiyon sa karwahe) ni Rama, Sita, Lakshmana, asin Hanuman sa nagkapirang lugar. Sa Ayodhya, dakol an nag-iinom sa sagradong salog nin Sarayu dangan minasongko sa templo ni Rama.[1]

Toltolan[baguhon | baguhon an source]

  1. 1.0 1.1 Hindus around the world celebrate Ram Navami today, DNA, 8 April 2014
  2. 2.0 2.1 James G. Lochtefeld (2002). The Illustrated Encyclopedia of Hinduism: N-ZFree registration required. The Rosen Publishing Group. pp. 558–559. ISBN 978-0-8239-3180-4. 
  3. 3.0 3.1 Robinson, James B. (2009). Hinduism (in English). Infobase Publishing. ISBN 978-1-4381-0641-0. 
  4. Ramnavami The Times of India, 2 April 2009.
  5. Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na bbc