Relihiyon kan Yoruba
An relihiyon kan Yoruba (Yoruba: Ìṣẹ̀ṣe), o Isese, an tradisyonal na relihiyoso asin espiritwal na mga ideya asin kaugalean kan mga tawo na Yoruba. An dagang tinuboan kaini yaon sa presenteng Sur-solnopan nin Nigeria, na binibilog kan mayoriya nin Oyo, Ogun, Osun, Ondo, Ekiti, Kwara asin Lagos States, saka kan mga parte kan estado nin Kogi asin kan mga katakod na parte kan Benin asin Togo, na midbid sa kadaklan bilang an daga nin Yoruba. May mga pagkakaagid iyan sa Vodun na ginigibo kan kataid na mga Fon asin Ewe sa sulnupan asin sa relihiyon kan mga tawo na Edo saka Igala sa sirangan. An relihiyon na Yoruba iyo an basehan para sa dakol na relihiyon sa Bagong Kinaban, nangorogna sa Santería, Umbanda, Trinidad Orisha, asin Candomblé.[1] An mga relihiyosong pagtubod nin Yoruba parte kan Itàn (history), an total na kumpol nin mga rawit-dawit, kasaysayan, istorya, asin iba pang konsepto sa kultura na minabilog sa sosyedad nin Yoruba.[1][2][3]
Toltolan[baguhon | baguhon an source]
- ↑ 1.0 1.1 Abimbola, Kola (2005). Yoruba Culture: A Philosophical Account (Paperback ed.). Iroko Academics Publishers. ISBN 1-905388-00-4.
- ↑ Ọlabimtan, Afọlabi (1991). Yoruba Religion and Medicine in Ibadan. Translated by George E. Simpson. Ibadan University Press. ISBN 978-121-068-0. OCLC 33249752.
- ↑ J. Olumide Lucas, The Religion of the Yorubas, Athelia Henrietta PR, 1996. ISBN 0-9638787-8-6
