Reynang reynante

An sarong reynang reynante iyo an babaying monarko, katumbas sa ranggo asin titulo sa sarong hade, na namamayo sa saiyang sadiring karapatan sa sarong teritoryo na midbid bilang sarong "kahadean"; kabaliktaran sa sarong reynang konsorte, na agom kan sarong namamayong hade; o sa sarong reynang rehente, na an taga-ataman nin sarong aking monarko asin namamayo nin pansamantala imbes nang sa aki, magin de jure ini sa pagheras nin poder, o de facto sa pamamayo sa sadiri sana. An sarong prinsesang reynante iyo an babaying namamayo sa saiyang sadiring karapatan sa sarong prinsipado; sarong emperatris reynante an sarong babaying monarko sa saiyang sadiring karapatan sa sarong "imperyo".

Kapot asin pinauutob nin sarong reynang reynante an soberanong poder, mantang hiniheras nin sarong reynang konsorte an ranggo asin mga titulo kan saiyang agom asin/o aki alagad dai hiniheras an soberanya kan saiyang agom o aki. Tradisyonal na dai hiniheras sa agom o aki kan sarong reynang reynante an ranggo, titulo o soberanya. Minsan siring, an konsepto kan sarong hadeng konsorte o prinsipeng konsorte bakong harayong mangyari sa kontemporaryo asin klasikong panahon.

An sarong reynang byuda o emperatris byuda iyo an sarong byuda kan sarong hade o emperador; an sarong inang reyna iyo an sarong reynang byuda na ina man kan sarong naghahadeng soberano.

Uusipon

Kaidtong huring ika-20 asin amay na ika-21 siglo, binago kan Sweden, Norway, Belgium, Netherlands, Denmark, Luxembourg asin an Reino Unido ang kanilang mga batas sa pagsalihid sa ganap na primohenitura (kun saen an mga aki kan sarong monarko o pamayo iyo magsalida sa paagi kan pasunod-sunod kan pagkamundag poon sa kamatuhan sagkod sa kangudhan bakong risa an tawuha). Sa nagkapirang mga kaso, bakong nagkakabisa an pagbabago sa nabubuhay na mga indibidwal na nasa linya kan pagsalida kaidtong panahon na naipasa an batas.

Kaidtong 2011, uminuyon an Reino Unido a ibang 15 nasyon na Komonwelt sa pagtangkas kan panundon nin primohenitura na pinapaboran an lalaki. Kan naipasa an kinakaipuhan na lehislasyon, nangangahulugan ini na kun nagkaigwa nin babaying kamatuhan si Prinsipe William, an mas aking lalaki dai magigin maliwanag na tagapagmana.