Ridhima Pandey
| Ridhima Pandey | |
|---|---|
| Kamundagan | 2009 |
| Nasyunalidad | Indian |
| Trabaho |
|
| Mga gawad | BBC's 100 women 2020 |
Si Ridhima Pandey (namundag 2009) sarong aktibista sa kapalibutan hali sa India na nagsusuportar sa paghiro laban sa pagbabago sa klima. Ipig-aagid sya sa Greta Thunberg.[1] Kan sya nuebe anyos, nagsangat siya nin kaso tumang sa gobyerno nin India huli sa dai paggibo nin mga lakdang tanganing labanan an pagbabago sa klima.[2] Saro man sya sa mga nagrereklamo sa Naciones Unidas, kaiba an nagkapira pang hoben na aktibista sa klima, tumang sa dai paghiro nin nagkapirang nasyon para sa krisis sa klima.[3]
Pinaghalian
[baguhon | baguhon an source]Si Pandey nakaistar sa Uttakhand, sarong estado sa Amihanan kan India. An saiyang ama, si Dinesh Pandey, saro man na aktibista sa klima na nagtrabaho sa Uttarkhand sa laog nin 16 na taon.[2]
An harong ni Pandey sa Uttalakhan naapektaran nin grabeng raot kan panahon sa nag - aging sampulong taon. Kan 2013, labing 1000 katawo an nagadan sa baha asin mga paghuros kan daga.[4] Haros 100,000 katawo an kinaipuhan na halion sa rehiyon.[5] Susog sa World Bank, an pagbago nin klima posibleng marhay na makadugang sa kasakitan sa suplay nin tubig sa India.[6]
Aktibismo
[baguhon | baguhon an source]Legal na akson tumang sa Gobyernong Indyan
[baguhon | baguhon an source]Sa edad na syam, si Pandey nagsangat nin kaso laban sa Gobyernong Indyan base sa dai ninda ginibo an mga lakdang laban sa pagbabago sa klima na pinag - uyon ninda sa Pagkasundoan sa Paris Agreement. An kasong ini sa korte iinatubang sa Nasyonal na Green Tribunal (NGT), sarong korte na inistablisar kan 2010 na manungod sana sa mga kaso sa palibot. Pinaki-ulayan man ni Pandey an Gobyerno na mag - andam nin plano na inaan an mga emisyon nin carbon asin an sarong plano sa bilog na nasyon tanganing kurbahon an epekto kan pagbabago sa klima, kaiba na an paggamit nin mga gasolina sa India.[2]
Sa sarong interbyu sa The Independent. Si Pandey nagsasabi:
" An sakong Gobyerno dai nakagibo nin mga paagi na makontrol asin inaan an pag - emisa kan greenhouse gas, na iyo an rason kan grabeng mga kamugtakan sa klima. Maaapektaran ako kaini sagkod an maabot na mga kapag - arakian. An sakong nasyon igwa nin dakulaon na potensyal na mainaan an paggamit nin mga gasolina sa fossil, asin huli sa aksyon kan Gobyerno dinulok ko an National Green Tribunal."[2]
Pighali kan NGO an saiyang petisyon, na nagsasabi na ini na-cover sa irarom kan kapalibutan paktong asesment'.[1]
Kontra sa Naciones Unidas
[baguhon | baguhon an source]Durante kan saiyang aplikasyon na magduman sa Oslo sa Noruegong visa, nadangog nya an manungod sa sarong organisasyon para sa hoben na mga aktibista sa klima. Dinulok nya an organisasyon, asin napili sya na magduman sa New York para sa 2019 United Nations Climate Acts summit.[7] Durante kan summit, kan 23 Setyembre 2019. Si Pandey kaiba an 15 pang aki, kaiba si Greta Thunberg, Ayakha Melithafa asin Alejandria Villaseñor, nagsangat nin reklamo sa United Nations Committee on the Rights of the Child, na nag - aakusar sa Argentina, Brazil, Alemania, Pransia asin Turkiya tanganing lapason an Kombension sa Deretso kan Aki paagi sa dai pagtao nin maninigong atensyon sa krisis sa klima. [8][3]
Dugang pang aktibismo
[baguhon | baguhon an source]Si Pandey naghagad nin biyong pagprohibir sa plastik, na an padagos na pagprodusir kaiyan resulta nin demand nin konsumidor. Inapod man nya an gobyerno nin India asin an lokal na mga autoridad na gumibo nin mas dakol pang paagi tanganing linigon an Salog nin Ganga. [1] Sinabi nya na minsan ngani hinihingako kan gobyerno na linilinigan kaiyan an salog, alagad dai nagkaigwa nin dakulang pagbabago sa kamugtakan kan salog.[7]
Si Pandey kinotar sa saiyang biograpiya sa mga Children vs Climate Change na nagsasabi kan saiyang katuyohan:
" Muya kong iligtas an satong puturo. Muya kong iligtas an puturo kan gabos na aki asin kan gabos na tawo sa masurunod na henerasyon"[8]
Gawad
[baguhon | baguhon an source]Si Pandey yaon sa lista kan 100 Women kan BBC na pig-anunsyo kan 23 Nobyembre 2020..[9]
Hilingon pa
[baguhon | baguhon an source]Mga susugan
[baguhon | baguhon an source]- ↑ 1.0 1.1 1.2 "Who Is Ridhima Pandey". https://www.business-standard.com/about/who-is-ridhima-pandey. Error sa pag-cite: Invalid
<ref>tag; name "business-standard.com" defined multiple times with different content - ↑ 2.0 2.1 2.2 2.3 "Meet the nine-year-old girl who is suing the Indian Government over climate change" (in English). 1 April 2017. Error sa pag-cite: Invalid
<ref>tag; name "Independent-01Apr17" defined multiple times with different content - ↑ 3.0 3.1 "earthjustice.org". Error sa pag-cite: Invalid
<ref>tag; name ":0" defined multiple times with different content - ↑ "India's death toll in aftermath of floods reaches 1,000" (in en-GB). https://www.theguardian.com/world/2013/jun/24/india-uttarakhand-floods-rescue-death-toll.
- ↑ "Many still stranded in India floods" (in en-GB). https://www.bbc.com/news/world-asia-india-23093839.
- ↑ "India: Climate Change Impacts" (in English).
- ↑ 7.0 7.1 "India's Greta Thunberg: All about 11-year-old climate activist Ridhima Pandey" (in English). Error sa pag-cite: Invalid
<ref>tag; name ":1" defined multiple times with different content - ↑ 8.0 8.1 "#ChildrenVsClimateCrisis". Error sa pag-cite: Invalid
<ref>tag; name "childrenvsclimatecrisis" defined multiple times with different content - ↑ "BBC 100 Women 2020: Who is on the list this year?" (in en-GB). 2020-11-23. https://www.bbc.co.uk/news/world-55042935.