Robert Fulghum

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Robert Fulghum
Robert Fulghum.jpg
Robert Fulghum in 2007
KamundaganRobert Lee Fulghum
(1937-06-04) Hunyo 4, 1937 (edad 81)
Waco, Texas
Kasibotanparasurat
NasyunalidadAmerikano
GenreSaysay, piksyon
SubjectIspiritwalidad
Agom
  • Marcia McClellan (1957–1973)
  • Lynn Edwards (1975–2000)
  • Willow Bader (2010–2016)
Mga akìChristian
Hunter
Molly
Website
www.robertleefulghum.com

Si Robert Lee Fulghum sarong Amerikanong parasurat asin ministro kan Unitarian Universalist.[1]

Inot na karera[liwaton | liwaton an gikanan]

Siya nagdakula sa Waco, Texas asin nagresibe nin Bachelor of Arts sa Baylor University kan taon 1958. Nagresibe man siya kan saiyang sa Bachelor of Divinity sa Starr King School for the Ministry kan 1961 kun sain siya pig-ordenahan bilang ministro kan Unitarian Universalist. Nagserbe siya sa Bellingham Unitarian Fellowship sa Bellingham, Washington] kan mga taon na 1960–1964, sagkod sa Edmonds Unitarian Universalist Church sa Edmonds, Washington kun sain siya preseneteng Ministro Emeritus.

Pagsurat[liwaton | liwaton an gikanan]

Nagin bantog sa Estados Unidos si Fulghum huli sa panginot niyang koleksyon nin mga saysay, an All I Really Need to Know I Learned in Kindergarten (1988). Ini nagin kaayon sa The New York Times bestseller lists sa laog nin duwang taon. An koleksyon kan mga saysay na ini igwa nin sub-titulo na Uncommon Thoughts on Common Things. Naipublikar na an ika-25 anniversary edition kan Kindergarten - kun sain ini hinimo asin pig-rebisa, asin igwa nin kadagdagan na 25 bagong mga istorya.

Sa presente, igwa nin 17 milyon na kopya kan libro niya an naka-imprenta, pigpublikar sa 27 na lenggwahe sa 103 na mga nasyon.

Mga Palabas[liwaton | liwaton an gikanan]

Kaayon si Fulghum sa duwang television series sa irarom kan PBS,sagkod saro man siyang nominado sa Grammy] para sa saiyang spoken word award. Siya man nagin tagapag-taram sa nagkakapirang mga kolehiyo, konbensyon, asin pampublikong mga okasyon sa kaintirohan kan Estados Unidos sagkod Europa. Siya nagin bantog na kolumnista sa kaintirohan kan nasyon.

Mga Nobela[liwaton | liwaton an gikanan]

Nagsurat si Fulghum nin nobela na nababanga sa tulong serya. An inot, Third Wish, na ipinadagos man sa Third Wish II, The Rest of the Story, Almost, sagkod na makumpleto an ika-tulong serye, an Third Wish, Granted. Naipublikar sa nagkakapirang lenggwahe an saiyang nobela, kaayon na an Ingles.

An ika-duwa niyang nobela, If You Love Me Still, Will You Love Me Moving? Tales from the Century Ballroom, naisurat niya man huli sa saiyang inspirasyon sa pagbayli, lalo na an Tango, asin ini primerong naipublikar sa Czech (as Drž mě pevně, miluj mě zlehka) kan 2011.

Sa paglihis kan panahon, an saiyang mga saysay ginibo man nin mga stage productions. An inot na palabas pareho man sa titulo kan saiyang inot na libro, na pig-adaptar ni Ernest Zulia,, asin igwa nin musika sagkod liriko hali ki David Caldwell. An palabas ipigbase sa katiponan kan saiyang walong libro, asin ini man sarong optional musical. An ikaduwang palabas, igwa nin titulong, Uh-Oh, Here Comes Christmas. Sa presente, nagkaigwa na nin haros 2,000 nasyonal sagkod internasyonal na produksyon an mga palabas na ini.

Personal na Buhay[liwaton | liwaton an gikanan]

Igwa ni apat na aki si Fulghum asin anom na makuapo. Nakaistar siya sa Moab, Utah; sagkod sa sarong islang Greek kan Crete.[2]

Mga Obra[liwaton | liwaton an gikanan]

Kabali sa saiyang mga koleksyon ini:

  • All I Really Need to Know I Learned in Kindergarten</a>
  • It Was on Fire When I Lay Down on It
  • Uh-Oh: Some Observations from Both Sides of the Refrigerator Door
  • Maybe (Maybe Not)
  • From Beginning to End—The Rituals of Our Lives
  • True Love
  • Words I Wish I Wrote
  • What on Earth Have I Done
  • The Ongoing Adventures of Captain Kindergarten
  • If You Love Me Still, Will You Love Me Moving?
  • The Argentine Tango Chronicles
  • Crisis In The Cheese Aisle (in Czech only)
  • The Mender of Destinies (in Czech only)

Toltolan[liwaton | liwaton an gikanan]

  1. Brown, Patricia Leigh (23 July 1989). "Lessons from the Sandbox". The New York Times.
  2. Brown, Patricia Leigh (23 July 1989). "Lessons from the Sandbox". The New York Times. https://www.nytimes.com/1989/07/23/magazine/lessons-from-the-sandbox.html?pagewanted=all. Retrieved on 10 January 2018.